သင်‌ရော Narcissist တစ်ယောက်ဖြစ်နေပြီလား

ကိုယ်မသိလိုက်တဲ့အချိန်မှာ ကိုယ်ဟာ  Narcissist တစ်ယောက် ဖြစ်နေနိုင်ပါတယ်။ 

တကယ်ဖြစ်မဖြစ်သိရအောင် ဆက်ကြည့်လိုက်ရအောင်ပါ။ 

Motivation hierarchy မှာ လူတွေဟာ basic need အခြေခံလိုအပ်ချက်အဆင့်ကနေ တဖြည်းဖြည်းတတ်လာတာနဲ့အမျှ ပြိုင်ဆိုင်မှုတွေက ပိုပို အတောမသတ်တွေဖြစ်လာပါတယ်။ ကိုယ်ဘယ်လိုဘဲကြိုးစားသည်ဖြစ်ဖြစ် ဘယ်နေရာကိုရောက်နေပါစေ၊ ကိုယ့်ထက်တစ်နေရာရာမှာပိုတော်၊ ပိုကောင်းအောင်လုပ်နိုင်တဲ့ လူတွေဆိုတာ ရှိစမြဲဘဲဖြစ်ပါတယ်။ ဒီလိုအခြေအနေမျိုးမှာ ဘယ်လိုတုံ့ပြန်ဖြစ်ပါသလဲ။ ဝမ်းနည်းစိတ်မချမ်းမြေ့စရာကိစ္စတွေကိုကြုံရတဲ့အခါမှာရော ဘယ်လို တုံ့ပြန်တတ်ပါသလဲတတ်ပါသလဲ။ 

Motivation Hierarchy

ကိုယ့်ရဲ့ပျော်ရွှင်မှုဟာ သူများပေါ်ကိုမှီခိုနေပြီဆိုရင်တော့ ကိုယ်ဟာ ကိုယ်တောင်မသိလိုက်တဲ့ Narcissistic (အတ္တအကြီးလွန်) character တစ်ခုရှိနေပြီဖြစ်ပါတယ်။ ကိုယ့်ကိုယ်ကိုယ်သာတန်ဖိုးထားလွန်း ၊ အကောင်းမြင်လွန်းတဲ့ narcissistic ဖြစ်သူတွေဟာ တခြားသူရဲ့ ချီးကျူးမှုတွေ ၊ အသိအမှတ်ပြုခံရတာတွေ‌ပေါ်မှာသာ အသက်ရှင်နေသူတွေဖြစ်ပါတယ်။ လူတိုင်းကသူ့ကိုတော်တယ်၊ တတ်တယ် ၊ ထူးချွန်တယ်ဆိုတာမျိုးကိုသာ အမြဲကြားနိုင်၊ လက်ခံနိုင်သူတွေဖြစ်ပါတယ်။ ဝေဖန်တာမျိုးကို စပ်စပ်ထိမခံနိုင်သူမျိုးဖြစ်ပါတယ်။

Narcissist တွေဟာ လက်တွေ့နဲ့အင်မတန်ဝေးတဲ့ သူကိုယ်တိုင် ဖန်တီးထားတဲ့ စိတ်ကူးထဲမှာ သူဟာအတော်ဆုံးသူ ၊ အားနည်းချက်မရှိသူ၊ ပြည့်စုံလွန်းသူ ဆိုတာမျိုးကိုဖန်တီးနေတတ်တဲ့သူတွေမလို့ ဘဝရဲ့ အနိမ့်အမြင့်တွေ ၊ မအောင်မြင်တာတွေကို ကိုယ်ကလွဲတခြားသူကိုအပြစ်တင် ရှုံ့ချ ရင်းနဲ့ဘဲ ကျော်ဖြတ်လေ့ရှိပါတယ်။ ကိုယ့်ကိုယ်ကိုယ်ပြန်လည်သုံးသပ်တယ်ဆိုတာနဲ့ Narcissist တစ်ယောက်ဟာ ကော့သောင်းနဲ့ ခါကာဘိုရာဇီတောင်ထိပ်ထက် ပိုဝေးပါတယ်။

 ဒါကြောင့်မို့ အောင်မြင်မှုမရှိတဲ့ ၊အဆင်‌မပြေတဲ့အလုပ်တိုင်းမှာ သူများကိုအပြစ်တင်ရင်း မေ့ပျောက်ပစ်တတ်ရင်တော့ သင်ဟာ Narcissistic character တစ်ခုထပ်ရှိသွားပြန်ပြီဖြစ်ပါတယ်။ 

အတ္တအကြီးလွန် Narcissist တစ်ယောက်ဟာ လူတွေနဲ့ပေါင်းသင်းဆက်ဆံရမှာလည်း ငါသိ ငါတတ် လုပ်လွန်းသူတွေဖြစ်ပါတယ်။ တခြားသူနဲ့ပေါင်းသင်းဆက်ဆံရာမှာလည်း ကိုယ့်အကျိုးစီးပွားတစ်ခုထဲအတွက်သာပေါင်းသင်းတတ်သူတွေဖြစ်နေပြန်ပါတယ်။ ဘယ်သူ့ကိုမှလည်း စိတ်ရင်းနဲ့ ချစ်တယ် ခင်တယ် ဆိုတာမျိုး ရှိတဲ့သူမဟုတ်ပါဘူး။ တခြားသူကိုယ့်ကြောင့် ထိခိုက်နစ်နာရတယ်ဆိုတာမျိုးကိုလည်း သူကဒါမျိုးထိုက်တန်တာဘဲ ဆိုတဲ့စိတ်ထားမျိုးနဲ့ ကိုယ်ချင်းစာစိတ် လုံးဝထားမပေးနိုင်တွေဖြစ်ပါတယ်။ ကိုယ့်ကြောင့်ထိခိုက်နစ်နာရသူတွေ ၊ ကိုယ်တာဝန်ယူရမဲ့ကိစ္စတွေလစ်ဟင်းတာကို ဘယ်လိုတုံ့ပြန်လေ့ရှိလဲ မိမိကိုယ်ကိုပြန်မေးနိုင်ပါပြီ။ 

အတ္တအကြီးလွန်သမားတွေဟာ တကယ့်အတွင်းစိတ်မှာ Self Love အင်မတန်နည်းသူတွေဘဲဖြစ်ပါတယ်။ အားနည်းချက်တွေကို လက်မခံနိုင်၊ ဝေဖန်တာလက်မခံနိုင်၊ ကိုယ့်ကိုယ်ကိုယ်ပြန်မသုံးသပ်နိုင်၊ တခြားသူချီးကျူးမှပျော်တဲ့သူတွေဖြစ်တာမလို့ Self Esteem (ကိုယ့်ကိုယ်ကိုယ်ရောင့်ရဲတင်းတိမ်မှု) လည်း မရှိတဲ့သူတွေဖြစ်ပါတယ်။ Bullying လုပ်တယ်ဆိုတာလည်း Self Love မပြည့်ဝရာမှ ထွက်ပေါ်လာတဲ့ အမူအကျင့်ဖြစ်တာမို့ ဒါဟာလည်း Narcissistic character တစ်ခုဘဲဖြစ်ပါတယ်။

ဒါတွေအကုန်ဖတ်ပြီး ကိုယ့်ကိုယ်ကိုယ်ပြန်လည်သုံးသပ်ပြင်ဆင်စရာတစ်ခုရသွားပြီဆိုရင်တော့ တကယ့် အတ္တအကြီးလွန်အဆင့်မရောက်သေးဘဲ Self Love နည်းနေတာ ပိုပြီးဖြစ်နိုင်ပါတယ်။ 

ကိုယ့်ကိုယ်ကိုယ်တကယ်ချစ်တယ်ဆိုတာ ကိုယ့်ရဲ့စိတ်ကျန်းမာရေးသော်လည်းကောင်း ၊စိတ်ကျန်းမာရေးသော်လည်းကောင်း ကောင်းကောင်းဂရုစိုက်နိုင်တာကို ခေါ်ပါတယ်။ ကိုယ့်ရဲ့ကောင်းခြင်း ၊ဆိုးခြင်း ၊အားသာခြင်း ၊အားနည်းခြင်းတွေကို သေချာသိ နားလည်ပြီး လက်ခံနိုင်ခြင်းဖြစ်ပါတယ်။

တခြားသူကို ပြည့်ပြည့်ဝဝချစ်မပေးနိုင်ခြင်းတွေဟာလည်း self love မပြည့်ဝခြင်းရဲ့ လက္ခဏာတွေဘဲဖြစ်ပါတယ်။  ချစ်ခြင်းတစ်ခုမှာ သူ့ပေါ်က Materially ဘဲ ဖြစ်စေ ၊ ဂုဏ်တစ်ခုခုဖြစ်စေ မျှော်လင့်ခြင်းကလည်း ကိုယ်တိုင်မဖြည့်နိုင်တဲ့ ဆန္ဒတွေကို တခြားသူအပေါ်သွားထားနေတာမို့ Self Love ရော Self Esteem ရော မပြည့်ဝခြင်းတစ်မျိုးပါဘဲ။ 

သင်ကရော Narcissist တစ်ယောက်လား?  Self love လိုနေသေးတာလား? ကိုယ်တိုင်လေးသုံးသပ်နိုင်သွားမယ်ထင်ပါတယ်။