အနီရောင်ကို ဘယ်နေရာမှာ သုံးကြသလဲ။

အနီရောင်

🛑 အခြေခံအရောင် နောက်တစ်ရောင်ဖြစ်တဲ့ အနီရောင်ကို အနောက်နိုင်ငံတွေမှာ Passion(စိတ်အားထက်သန်ပြင်းပြခြင်း) ဆိုတာနဲ့ အများဆုံး အဓိပ္ပါယ်ဖွင့်ကြပါတယ်။ 

🛑 အာရှဘက်မှာကျတော့ (အထူးသဖြင့် တရုတ်လူမျိုးတွေက) ကံကောင်းခြင်း၊ ပျော်ရွှင်ခြင်း၊ အသက်ရှည်ကျန်းမာ​ခြင်းရဲ့ အရောင်အဖြစ် သုံးကြပါတယ်။ 

🛑 အနီရောင်က အချစ်၊ အမုန်း၊ ပူ​လောင်ခြင်းနဲ့ ၊ ဒေါသ ဆိုတဲ့ စကာလုံးတွေကို ကိုယ်စားပြုပါသေးတယ်။ 

🛑  Me Before You ဇာတ်လမ်းထဲမှာ မင်းသားက မင်းသမီးကို ပြောခဲ့တဲ့ ''အဲ့လိုအနီရောင်ဝတ်စုံမျိုး ဝတ်မယ်ဆိုရင် ယုံကြည်မှုရှိရှိဝတ်ပါ'' ဆိုတဲ့ နာမည်ကြီး Quoteတစ်ခုရှိပါတယ်။

 အမျိုးသမီးတွေ အနီရောင်ဝတ်ရင် ပိုဆွဲဆောင်မှုရှိတယ်လို့ အမျိုးသားတွေက မြင်ပါတယ်။ အမျိုးသားတွေ အနီရောင်ဝတ်လည်း အမျိုးသမီးတွေက အဲ့လိုပဲတွေးကြပါတယ်။ 

🛑 အနီရောင်သုံးထားတဲ့ပစ္စည်းတွေကို ကြည့်လိုက်ရင် ရှိနေတဲ့အကွာအဝေးထက် ကိုယ်နဲ့ပိုနီးနေတယ်လို့ ထင်ရစေပါတယ်။ သူရဲ့ ထင်းနေပြီး၊ အမြင်အာရုံကို ဖမ်းစနိုင်တဲ့ ဂုဏ်သတ္တိကြောင့်ပါ။ အဲ့ဒါကြောင့်လူမြင်ကွင်းမှာ အရေးကြီးတဲ့ သတိပေး ဆိုင်းဘုတ်တွေ၊ မီးပွိုင့်မှာ ရပ်ဆိုတဲ့သင်္ကေတတွေ၊ စာထည့်ပုံးတွေကို အနီရောင်သုံးတာပါ။ အဲ့လို သတိပေးဆိုင်းဘုတ်တွေမှာ အသုံးများလို့ Color of Dangerလို့လည်း ခေါ်တတ်ကြပါတယ်။ 

🛑 Take action now. (အခုချက်ချင်းလုပ်)ဆိုတဲ့ အတွေးမျိုးလည်း ပေးနိုင်လို့ Websiteတွေနဲ့၊ ကြော်ငြာတွေမှာ  အခုချင်ချင်းမှာလိုက်ပါတို့၊ အခုဖုန်းခေါ်လိုက်ပါဆိုတဲ့ ခလုတ်တွေကို အနီရောင်သုံးတတ်ကြပါတယ်။ အဲ့လို အင်တာနက် ကြော်ငြာ ခလုတ်တွေမှာအပြင် ကိုယ့်ရဲ့ တကယ့် ​မြေပြင်ကဆိုင်မှာလည်း သုံးလို့ရပါသေးတယ်။ Eg. ငွေရှင်းကောင်တာကို အနီရောင်သုံးတာမျိုး၊ ငွေရှင်းကောင်တာဆီကို ညွှန်ပြနေတဲ့ အနီရောင်မြှားလေးတွေ ကြမ်းပြင်မှာ ပြထားတာမျိုး။

🛑 အခုချက်ချင်းဝယ်လိုက်ပါဆိုတဲ့ အတွေးပေးနိုင်တဲ့အပြင်၊ အနီရောင်က လူတွေရဲ့ အာရုံကို ချက်ချင်းဖမ်းစားနိုင်ပြီး အစားစားချင်စိတ်ကိုပါ လှုံ့ဆော်ပေးနိုင်ပါသေးတယ်။ အဲ့လို ဂုဏ်သတ္တိတွေကြောင့် ချင်ချင်းဝင်ဝယ်ပြီး ထုတ်သွားလို့ရတဲ့ Fast Food ကုမ္ပဏီတွေ၊ စားသောက်ဆိုင်လုပ်ငန်းတွေမှာ အသုံးအများဆုံး အရောင်ဖြစ်နေတာပါ။ အနီရောင်ကို အဝါနဲ့ တွဲပေးရင် စားချင်စိတ်ကို ပိုပြီး ပြင်းပြစေပါတယ်။ Eg. KFC, McDonald's, Burger King, Wendey's

🛑 အနီရောင်က စိတ်လှုပ်ရှားမှုကို မြင့်တက်စေပြီး၊ ပျော်ရွှင်ခြင်းကို ကိုယ်စားပြုပါတယ်။ YouTubeနဲ့ Coca Colaအနီရောင် သုံးကြတာလည်း အဲ့ဒါကြောင့်ပါပဲ။ YouTubeဆိုရင် သူ့ရဲ့logoက အနီရောင် နောက်ခံမှာ အပေါ်က ဗွီဒီယို ကြည့်တဲ့ play ခလုတ်လေးပါ။ စိတ်လှုပ်ရှားမှု၊ ပျော်ရွှင်မှုနဲ့ Action Now Themeကိုပါ အကုန်ပေါင်းသုံးသွားတာပါ။

🛑 အနီရောင်သုံးတဲ့ နာမည်ကြီးကုမ္ပဏီတွေက Red Bull, CNN, Netfix, BBC, LG, Disnep, Puma တို့ပဲဖြစ်ပါတယ်။

🛑 အနီရောင်ကို အစားအစာ, ကျန်မားရေး, အလှအပနဲ့ Entertainment လုပ်ငန်းတွေမှာ အများဆုံး သုံးကြပါတယ်။

🛑 အလုပ်ခွင်မှာ ခင်ဗျားရဲ့ဝန်ထမ်းတွေ အမြဲမှတ်မိစေချင်တဲ့ ကိစ္စမျိုးတွေဆို အနီရောင်ကို သုံးပါ။ အနီရောင်က တစ်ခုခုကို သတိပေးနေတဲ့ အတွေးဝင်စေပါတယ်။ အနီရောင်က Power၊Strength၊Energyတို့ကို ကိုယ်စားပြုပေမယ့် အလုပ်ခွင်မှာ အနီရောင်တွေ အများကြီးတော့ မသုံးသင့်ပါဘူး။ စိတ်ဖိစီးမှုများစေပြီး စိတ်လှုပ်ရှားနေစေလို့ပါ။ အဲ့ဒါကြောင့် အလုပ်ခွင်မှာကျန်းမာအောင်နေပါဆိုတာမျိုးလေး သတိရနေစေချင်လို့ အနောက်နိုင်ငံတွေရဲ့ အလုပ်ကဝန်းထမ်းတွေအတွက် Gymအသေးစားလေးတွေမှာ အနီရောင်သုံးတတ်ကြပါတယ်။

🛑 အိမ်တွေမှာဆိုရင် အနီရောင်ကို ညစာစားခန်းတွေ၊ မီးဖိုချောင်တွေမှာ သုံးသင့်ပါတယ်။ အိပ်ခန်းထဲမှာတော့ အနီရောင်တွေ အရမ်းမသုံးသင့်ပါဘူး။

အပြာရောင်ကိုဘယ်နေရာတွေမှာသုံးလဲဖတ်ရန်- https://ouo.io/ML5rKs

အစိမ်းရောင်ကိုဘယ်နေရာတွေမှာသုံးလဲဖတ်ရန် - https://bit.ly/3yjvntB

အမည်းရောင်ကိုဘယ်နေရာတွေမှာသုံးလဲဖတ်ရန် - https://ouo.io/17palX

အဝါရောင်ကိုဘယ်နေရာတွေမှာသုံးလဲဖတ်ရန် - https://bit.ly/3yi6dLR