Spirometer

 

Spirometer သုံးခြင်းဖြင့်ဘယ်လို့အကျိုးကျေးဇူးတွေရနိုင်မလဲ။

• အဆုတ်ထဲဝင်တဲ့လေပမာဏကိုသိနိုင်တယ်။
• အဆုတ်ထဲမှာရှိတဲ့လေအိတ်လေးတွေသေချာပွင့်သွားစေတယ်။
• အဆုတ်ရဲ့လုပ်ဆောင်မှုတွေတိုးတက်လာစေတယ်။

Spirometer ဘယ်လိုအလုပ်လုပ်သလဲ။

• ပုံမှာပြထားသည့်အတိုင်းနေရာချပြီး ပိုက်အပြာ၏အဝကိုပါးစပ်ထဲထည့်၍လေကိုရှူသွင်းလိုက်လျှင် ရှူသွင်းတဲ့လေပေါ်မူတည်ပြီးအထဲမှာရှိတဲ့ ဘောလုံး ၃လုံး- 600cc ၊ 900cc ၊ 1200cc အဆင့်ဆင့် အပေါ်ဘက်ကိုကြွတက်လာမှုပါ။
• တက်လာတဲ့ဘောလုံးကိုကြည့်ချင်းဖြင့်သင့်အဆုတ်ထဲသို့ဝင်သောလေ ပမာဏကိုသိရမှာပါ။

Spirometer အသုံးပြုပုံအဆင့်ဆင့်

• ပထမဆုံးကျော်ကိုထည့်မတ်စွာထားပြီးထိုင်ပေးပါ။ အကယ်၍သေချာမထိုင်နိုင်ပါက ထိုင်နိုင်သမျှတည့်မတ်အောင်ထိုင်ပေးပါ။
• Spirometer ကိုတည့်မတ်စွာထားပြီးကိုင်ပေးပါ။
• ပိုက်အပြာထိပ်ကိုပါးစပ်အတွင်းထည့်ပြီးနှုတ်ခမ်းဖြင့်လုံအောင်ပိတ်ထားပေးပါ။
• ပြီးလျှင် ပါးစပ်အတွင်းသို့လေကို ဖြည်းဖြည်းနှင့်ပြင်းပြင်း ရှူသွင်းပေးပါ။ ရှူသွင်းတဲ့လေပမာဏအလိုက်ဘောလုံးလေးမြင့်တက်လာပါလိမ့်မယ်။ လေကိုထပ်မံ၍မရှူသွင်းနိုင်သည်အထိ ရှူသွင်း၍ 2 to 5 seconds လောက်ထိန်းထားပေးပါ။
• ပြီးလျှင်ပါးစပ်မှပိုက်ဖြုတ်ပြီး လေကိုဖြည်းဖြည်းချင်းရှူထုတ်လိုက်ပါ။
• ဤလေ့ကျင်းခန်းကို အကြိမ် 5 ကြိမ်မှ 10ကြိမ်ခန့်ပြုလုပ်ပေးပါ။
• ပြီးလျှင်ချောင်းဆိုးထုတ်လိုက်ပါ။ (ဤသို့ပြုလုပ်ချင်းသည်အဆုတ်ထဲမှာသလိပ်ထွက်ခြင်းကိုလျော့ကျစေပါတယ်။)

(***အရေးကြီးတာက ရှူသွင်းတဲ့လေပမာဏ၊ အကြိမ်အရေတွက်က သင့်ပေါ်မှာဘဲမူတည်ပါသည်။ သင်ရှူသွင်းရှူထုတ်နိုင်တဲ့လေပမာဏ၊အကြိမ်အရေတွက်ကိုသာပြုလုပ်ပေးသင့်ပါတယ်။)

• အထက်ပါရှူသွင်းတဲ့လုပ်ငန်းစဉ်ပြီးတဲ့အခါမှာ Spirometer ကိုပြောင်းပြန်အနေအထားနဲ့ပြန်ကိုင်ထားပေးပါ။
• ပိုက်အပြာထိပ်ကိုပါးစပ်အတွင်းထည့်ပြီးနှုတ်ခမ်းဖြင့်လုံအောင်ပိတ်ထား၍လေကိုမှုတ်ထုတ်လိုက်ပါ။
• ဘောလုံးမြှင့်တက်ခြင်းကိုကြည့်ခြင်းဖြင့် အဆုတ်​၏လေထုတ်အားကောင်းမကောင်းကိုသိနိုင်ပါသည်။

(***ထိုသို့ပြုလုပ်ရာတွင် ပါးစပ်နှင့် spirometer လေဝင်ပေါက်သည် တပြေးတည်းရှိနေရပါမည်။)

For more information: https://www.youtube.com/watch?v=SWQA93wdT-k

သတိပြုရမည့်အချက်များ

• တစ်ကြိမ်နဲ့တစ်ကြိမ်ကြား ခဏနားပေးပါ။
• နေထိုင်မကောင်း၊မူးရိုင်တာတို့ဖြစ်လာခဲ့လျှင် လေ့ကျင့်ခန်းရပ်၍ ကောင်းကောင်ူအနားယူပေးပါ။
• လေ့ကျင့်ခန်းလုပ်အပြီးမှာ ပိုက်အပြာထိပ်ကိုသန်ရှင်းအောင်သုတ်သည့်အပြင် ပိုးမွှားများ အထဲသို့ မဝင်ရောက်နိုင်အောင် သန်ရှင်းသောအဝတ်ဖြင့် ပိတ်ထားပေးသင့်ပါတယ်။

Spirometer ကိုဘယ်သူတွေအသုံးပြုသင့်သလဲ။

• covid လူနာတွေမှမဟုတ်ပါဘူး သာမန်လူတွေလဲ အဆုတ်လေ့ကျင့်ခန်းလုပ်ခြင်းအနေနဲ့ အသုံးပြုနိုင်ပါတယ်။
• ခွဲစိတ်ပြီလူနာများ၊COPDလူနာများ၊ Pneumonia အဆုတ်ရောင်လူနာတွေ၊ Asthma ပန်းနာရင်ကြပ်လူနာများကတော့ အထူးကုဆရာဝန်များ၊Physiotherapist များ​၏ညွှန်ကြားပေးမှူဖြင့်သာပြုလုပ်သင့်ပါတယ်။

သို့သော် Spirometer သည်အသက်ရှူလေ့ကျင့်ခန်းပြုလုပ်ရန်အထောက်ကူပစ္စည်းတစ်ခုသာဖြစ်သည်။ ဝယ်ကိုဝယ်ရမည်ဟုမဆိုလိုပါ။ အထောက်ကူပစ္စည်းမပါဘဲ Deep Breathing Exercise ကို (4-7-8 Technique) ဖြင့်လေ့ကျင့်နိုင်ပါသည်။

4-7-8 Technique ဆိုသည်မှာ-

• အသက်ကိုရှူသွင်းချိန်မှာ စိတ်ထဲကနေ’၁ ကနေ ၄ အထိ’ ရေတွက်ပီး ပြင်းပြင်းရှူသွင်းပါ။
• ပြီးနောက် အသက်ကို ‘၁ ကနေ ၇ အထိ’ စိတ်ထဲကနေ ရေတွက်ပီး အောင့်ထားပါ။
• ပြီးနောက် စိတ်ထဲကနေ‘၁ ကနေ ၈ အထိ’ရေတွက်ပီးအသက်ကိုပါးစပ်ကနေရှည်ရှည်ရှူထုတ်ခြင်းဖြစ်ပါသည်။

လုပ်နေချိန်မှာခေါင်းတအားမူးလာရင်ဆက်တိုက်မလုပ်ဘဲနားနားပီးမှလုပ်ပေးပါ။

• ၁ ခါလုပ်ရင်၅-၁၀ကြိမ်
• တစ်နေ့ကို ၃-၄ခါလုပ်နိုင်ပါတယ်။