ဘာကြောင့်လူမည်းတွေက N-word ကို သုံးလို့ရပြီး တခြားသူတွေကမရသလဲ

ဇာတ်ကားတွေ လူမည်း Rap song တွေနားထောင်တဲ့အခါ Nigga ဆိုတဲ့ စကားလုံးကိုတွေ့ဖူး ကြားဖူးကြမှာပါ အဲ့ဒီစကားလုံးက လူမည်းတွေအတွက် အထူးသဖြင့် African-American တွေအတွက် အရမ်း sensitive ဖြစ်တာကြောင့် Public မှာအလွယ်တကူ ထုတ်ပြောလို့မရပါဘူး အဲ့ဒါကြောင့် N စကားလုံး N-word ဆိုပြီး ရည်ညွှန်းကြပါတယ် ဘာလို့ဒီစကားလုံးကလူမည်းတွေအတွက် အရမ်း sensitive ဖြစ်ရတာလဲ ဘယ်လိုအဓိပ္ပါယ်တွေရှိသလဲ ဘာကြောင့်တခြားလူတွေသုံးရင်ကျ ပြဿနာရှိနိုင်ပေမဲ့ လူမည်းအချင်းချင်းကျ ပေါ့ပေါ့ပါးပါး သုံးလို့ရသလဲ

N-word ကိုအဆဲစကားလုံး လူမည်းတွေကိုပြောလို့မရဘူးဆိုတာထက် နောက်မှာ သမိုင်းကြောင်းအရှည်ကြီးရှိပါတယ် သင်ဟာအဲ့စကားလုံးကိုသုံးလိုက်ပြီဆိုတာနဲ့ လူမည်းတွေအားလုံးကို လူမျိုးရေးခွဲခြားစော်ကားလိုက်တာပါပဲ English စကားထဲက အဆိုးဝါးဆုံး အညစ်ပတ်ဆုံးစကားလုံးလို့တောင် တင်စားကြပါတယ် ဒီစကားလုံးရဲ့ မူလဇစ်မြစ်ကတော့ Latin စကားလုံး "အမည်းရောင်"လို့ အဓိပ္ပါယ်ရှိတဲ့ "niger" စကားလုံး စပိန်လို အမည်းရောင် "negro" ဆိုတဲ့ စကားလုံးတွေကနေ ဆင်းသက်လာတာပါ အဲ့ဒီစကားလုံးတွေကို စသုံးခဲ့တာကတော့ မှတ်တမ်းတွေအရ အစောဆုံးဖြစ်တဲ့ 1619 ခုနှစ်မှာ Virginia ကိုဆိုက်တဲ့ သင်္ဘောတစ်စီးပေါ်မှာ ခြေထောက်ကို သံကြိုးတွေနဲ့ချည်ခံထားရပြီး ကျွန်အဖြစ် ရောင်းစားခံခဲ့ရတဲ့ လူမည်းအယောက် 20 ကို စတင်ခေါ်ဝေါ်ခဲ့တာဖြစ်ပါတယ် တော်လှန်ရေးစစ်ပွဲအတွင်းမှာတုန်းက လူတစ်ယောက်ကို သိက္ခာညှိးနွမ်းစေဖို့ အမြင့်ဆုံးစော်ကားလိုက်တဲ့စကားလုံးဖြစ်ပြီး ခုနောက်ပိုင်းနှစ်တွေမှာ ပိုအသုံးများလာတဲ့ ဗန်းစကားတစ်လုံးပါ အဲ့ကနေစပြီး အဓိပ္ပါယ်အမျိုးမျိုးနဲ့ ဖော်ပြခဲ့ကြပေမဲ့ အဓိက ဆိုလိုရင်းတွေကတော့ လူမည်းတွေအတွက် မကောင်းတာတွေကြီးပါပဲ အင်္ဂလန်သမိုင်းမှာ လူမည်းတွေကို ချစ်စနိုးနဲ့ ခေါ်ရာမှာလည်းအသုံးပြုခဲ့ကြတယ်ဆိုပါတယ် ဒါပေမဲ့ သစ္စာရှိတဲ့ အစေခံ တာဝန်ကျေတဲ့ အစေခံ လို့ဖော်ပြတဲ့နေရာတွေမှာပဲ သုံးခဲ့ကြတာဆိုတော့ သိပ်မကွာလှပါဘူး ဒုတိယကမ္ဘာစစ်အတွင်းမှာဆို ထိုစကားလုံးကို ခွေးနာမည်ပေးတဲ့နေရာမှာပါ အသုံးပြုခဲ့ကြပါသေးတယ် အဲ့ဒါကြောင့်မလို့ ဘယ်လိုအချိန် ဘယ်လိုနေရာမှာပဲသုံးသုံး ဒီစကားလုံးဟာ လူမည်းတစ်မျိုးသားလုံးကို စော်ကားတဲ့ အဓိပ္ပါယ်ပဲ သီးသန့်ကြီး ရှိနေပါတယ်

ဒါဆိုရင်ဘာလို့ လူမည်းတွေအချင်းချင်းကရော အေးအေးဆေးဆေး တွင်တွင်ကျယ်ကျယ် အသုံးပြုကြတာလဲ မေးစရာရှိလာပါတယ် ရုပ်ရှင်တော်တော်များများ သီချင်းတော်တော်များများမှာ မြင်ရတွေ့ရတယ်ပေါ့ ဒါကိုလူမျိုးရေးကျွမ်းကျင်သူတွေ ပြောကြတာကတော့ အရင်ခေတ်တွေတုန်းက လူမည်းတွေကို အဲ့လိုစကားလုံးတွေ အပြုအမူတွေနဲ့ ထိုးနှက်တိုက်ခိုက်ကြချိန်မှာတောင် မပြိုလဲသွားပဲ အသက်ရှင်ရပ်တည်နိုင်ခဲ့ကြတယ်ဆိုတဲ့ အထိမ်းအမှတ်နဲ့ အဲ့ဒီစကားလုံးကို အချင်းချင်းကြား သုံးလို့ရအောင် ချဉ်းကပ်လိုက်တာပဲဖြစ်ပါတယ် ကိုယ့်မျိုးရိုးနဲ့ကိုချီပြီး စော်ကားတဲ့စကားလုံးကို ကိုယ့်အချင်းချင်းကြားထဲမှာတော့ ရိုးရိုးတန်းတန်းစကားလိုဖြစ်အောင် ပြောင်းလဲပစ်နိုင်တာဟာ လေးစားစရာပါပဲ

ဒီစကားလုံးဟာ လူမည်း‌တွေအတွက် အဓိပ္ပါယ်အများကြီးရှိတဲ့ အထိမ်းအမှတ်တစ်ခုဖြစ်တာမလို့ တခြားသူတွေက ယူသုံးလို့ ပြောလို့မရပါဘူး သင်ဟာ လူမည်းတစ်ယောက်ကို N-word နဲ့ခေါ်မိရင် အဲ့ဒီလူမည်းနဲ့ ပြဿနာအကြီးကြီးတက်ယုံသာမက ဘေးလူတွေဆီကပါ လူမျိုးရေးခွဲခြားသူလို့ အထင်သေးခံရနိုင်ပါတယ် 2018 တုန်းက Kendrick Lamar ဟာ ဖျော်ဖြေနေရင်းတန်းလန်း သူဆိုနေတဲ့သီချင်း “M.A.A.D City” ထဲမှာပါတဲ့ N-word ကို အောက်က လူဖြူ fan တစ်ယောက်က သုံးခေါက်တိတိဆိုလိုက်တဲ့အခါ အဲ့ fan ကိုတားခဲ့ပြီးမှ စကားလုံးတစ်လုံးကိုတော့မဆိုပဲ ကျော်ပစ်ရမယ်ဆိုပြီး သီချင်းကိုနောက်တစ်ခေါက်ထပ်ဆိုစေခဲ့ပါတယ် ပွဲအပြီးမှာသူက ဒီစကားလုံးဟာ သူတို့(လူမည်းတွေ)ရဲ့ ကိုယ်ပိုင်စကားလုံးဖြစ်ပြီး သူတို့ကပဲအဲ့စကားလုံးကိုသုံးခွင့်ရှိကြောင်း သူတို့ပဲသုံးမယ်ဆိုတဲ့အကြောင်းကို ပြောသွားခဲ့ပါသေးတယ် ဒီစကားလုံးကိုသုံးပြီး African-American တွေကို စိတ်ပိုင်းဆိုင်ရာ ရုပ်ပိုင်းဆိုင်ရာ တိုက်ခိုက်မူတွေ လူမျိုးရေးခွဲခြားမူတွေ အခုချိန်ထိရှိနေဆဲပါ တချို့ လူမည်းတွေကို ရည်ရွယ်ချက်ရှိရှိ တိုက်ခိုက်မူတွေမှာဆိုရင် အဲ့ဒီစကားလုံးကို သုံးပြီးတိုက်ခိုက်ခဲ့တာတွေပါရှိပါတယ်

N-word ဟာ လူမျိုးတစ်မျိုးလုံးရဲ့ သမိုင်းကြောင်း ခံစားချက်အစုံရောနေတဲ့ စကားလုံးတစ်လုံးဖြစ်တာကြောင့် တခြားသူတွေသုံးလို့မရတာဟာ ယဉ်ကျေးမူတစ်ခုလိုပဲဖြစ်ပါတယ် သူတို့အချင်းချင်းသုံးရင် ငါတို့လည်းသုံးလို့ရရမှာပေါ့ဆိုပြီး မေးခွန်းထုတ်ကြသူတွေလည်းရှိပါတယ် ဘာကြောင့်တခြားလူတွေကသုံးမရလည်း ဆိုရင်တော့ အဲ့ဒီစကားလုံးမှာ လူမည်းတွေဟာ တချိန်က အစေခံတွေဖြစ်ခဲ့ဖူးတယ်ဆိုတဲ့ အငွေ့အသက်တွေရှိသေးတာမလို့ သုံးမရတာပါပဲ