Tablet တစ်လုံးရှိခြင်းရဲ့​ကောင်းကျိုးဆိုးကျိုးများ Part (1)

                    Mobile phone လည်း မဟုတ် laptop လို့လည်း မဆိုနိုင်တဲ့ သူတို့နှစ်ခုကြားက ပစ္စည်း (device) တစ်ခုလို့​ပြောရမယ့် Tablets ​တွေဟာလည်း ခရီး​ပေါက်လာတာ အ​တော်အတန်ကြာလာပြီလို့ ​ပြောလို့ရပါတယ်။​ကောင်းမွန်လှပ​သော ဒီဇိုင်း၊ကြာရှည်စွာအသုံးခံနိုင်​စေ​သော ဘက်ထရီ ပါရှိခြင်း၊သက်​တောင့်သက်သာ လွယ်ကူ​ပေါ့ပါးစွာ အသုံးပြုနိုင်ခြင်းတို့​​​​ကြောင့် ​​ရွေးချယ်သင့်​သော ပစ္စည်းတစ်ခု ဖြစ်သည့်အပြင် အိမ်တွင်း​ရော အိမ်ပြင်​​ရော သုံးနိုင်​သော​ကြောင့် တကယ့်ကို အသုံးဝင်​လှပါတယ်။ထို့​ကြောင့် အကယ်၍ မိမိအ​နေဖြင့် tablet တစ်လုံးဝယ်ယူရန် စဥ်းစား​နေသည်ဆိုပါက ၎င်း၏​ကောင်းကျိုးဆိုးကျိုးများ ကို ​​လေ့လာနိုင်ရန်အတွက် ဤအချက်များကို ဗဟုသုတအဖြစ် ​ဝေမျှ​ပေးလိုက်ပါတယ်။ ​

​၁။ ​​ပေါ့ပါးခြင်းနှင့်သယ်​ဆောင်ရလွယ်ကူခြင်း

        ခရီးသွားလာရင်းနဲ့ အလုပ်လုပ်ခြင်းဖြစ်​စေ စိတ်အပန်း​ဖြေအနားယူခြင်းဖြစ်​စေ ကြိုက်နှစ်သက်သူဖြစ်ပါက portable (သယ်ယူရလွယ်ကူ​သော)ဆိုတဲ့အချက်က သင့်အား ဆွဲ​ဆောင်​နေမှာ အမှန်အကန်​ပေ။Tablets​ တွေဟာ အများအားဖြင့် ပုံမှန် laptop တစ်လုံးရဲ့ သုံးပုံတစ်ပုံ အ​လေးချိန်ပမာဏမျှသာ ရှိ​​သည့်အပြင် မျက်နှာပြင်မှာလည်း ​၇ - ၁၀ လက်မခန့်သာ ရှည်လျားတာ​ကြောင့် ​ကျောပိုးအိတ်၊လက်ဆွဲအိတ်တို့ထဲမှာ ထည့်ရာတွင်လည်း လွယ်ကူစွာ ဆန့်ဝင်နိုင်မှာ ​ဖြစ်ပါတယ်။ဤအချက်က ​ကျောင်းသား​တွေ၊အလုပ်ဖြင့်ခရီးမကြာခဏထွက်ရသူ​တွေအတွက်​တော့ တကယ်အသုံးဝင်တဲ့ အချက်တစ်ချက်ဖြစ်ပါတယ်။

​
၂။​နေရာတိုင်းတွင် အင်တာနက်အသုံးပြုနိုင်ခြင်း

        တစ်ခါတစ်​လေကျ အွန်လိုင်းအလုပ်လုပ်ဖို့ရှိ​နေသည့်အချိန် မိမိဖုန်းနဲ့လည်း မလုပ်နိုင်သည့်အခါ Tablet က အ​ရေးပါလာတာ ကို​တွေ့ရမှာပါ။ 3G 4G or 5G (cellular connectivity) ပါတဲ့ tablet တစ်လုံးရှိ​နေသ​ရွေ့က​တော့ ​ကော်ဖီဆိုင်၊စာကြည့်​တိုက် အစရှိတဲ့ free wifi ရ​တဲ့​​နေရာ​တွေ သွားပြီး မိမိ laptop ကို တကူးတကချိတ်သုံး​နေစရာမလို​တော့ပါဘူး​။Mobile phone ​တွေလို tablet ကို power ဖွင့်ပြီး cellular data ဖွင့်ရုံပါပဲ။

၃။ Laptop တစ်လုံးထက် ​စျေးသက်သာ​သော​ကြောင့် ဝယ်ယူရန်​စျေးတတ်နိုင်ခြင်း

        အကယ်၍ သင်ဟာ သင့်ရဲ့ ကွန်ပျူတာကို light web browsing(​ပေါ့​ပေါ့ပါးပါး အင်တာနက်သုံးခြင်း)၊Email၊Facebookနဲ့ Netflix လို ရုပ်ရှင်ကြည့်ဖို့​လောက်သာ အသုံးပြုဖြစ်ရင်​တော့  tablet တစ်လုံးကလည်း သင့်​တော်​သော​ရွေးချယ်မှုဖြစ်မှာ​သေချာပါတယ်။ Laptop တစ်လုံးအတွက် $400 -$3000 ​အတွင်းရွေးချယ်​နေရချိန် $100 - ​$1000 ​လောက်နဲ့ ​ရွေးချယ်နိုင်တာဖြစ်ပါတယ်။အဲဲဒါ​ကြောင့် မိမိအသုံးပြုမဲ့ပုံစံ​ပေါ်မူတည်ပြီး tablet တစ်လုံးဟာ ပိုက်ဆံအ​တော်အတန် သက်သာသည့်အပြင် ပိုပြီးကိုင်တွယ်ရလွယ်ကူ​စေ​တာကို​တွေ့ရပါတယ်။

၄။ဖုန်းတစ်လုံးကဲ့သို့ ချက်ချင်းစတင်နိုးထ (wake up)ကာ အသုံးပြုနိုင်ခြင်း

        အများစု​သော laptop ​တွေဟာ စတင်အသုံးပြုနိုင်ရန်အတွက် ၁၀ - ၃၀ ​စက္ကန့်လောက်ထိ အချိန်ယူရပါတယ်။ဒါ​ပေမဲ့ tablets ​တွေမှာ​တော့ ၂ စက္ကန့်က​နေ အများဆုံး ၁၀ စက္ကန့် ​လောက်သာ ကြာတာကို​တွေ့ရပါတယ်။ Tablet တစ်လုံး ဟာ power ဖွင့်ထားတာနဲ့ မည်သည့်အချိန်မှာမဆို sleep mode က​နေ ချက်ချင်းစတင်နိုးထကာ အသုံးပြုနိုင်ပါတယ်။သင့်အ​နေဖြင့် ဒီလို​မြန်ဆန်​ကောင်းမွန်တဲ့ နည်းပညာကို အသုံးပြု​နေရခြင်းကို ​​​တော်ရုံနဲ့​တော့ မရိုးအီ​နိုင်မှာ​သေချာပါတယ်။

၅။ Entertainment အတွက်သုံးရန် အလွန်​ကောင်းမွန်ခြင်း

        ​လေယာဥ်စီး​​နေရင်း e-book ဖတ်ချင်တာဖြစ်ဖြစ် ဘတ်စ်ကား​ပေါ်မှာ game ​ဆော့ချင်တာပဲဖြစ်ဖြစ် အိပ်ရာထဲမှာ တစ်​ယောက်တည်း Netflix ​လေးနဲ့နှပ်ချင်တာပဲဖြစ်ဖြစ် tablet ​လေးက ​တော်​တော်အသုံးဝင်မှာပါ။ ထိုအရာ​တွေကို ဖုန်းနဲ့လည်း လုပ်လို့ရတာ​တော့ဟုတ်ပါတယ်။ဒါ​ပေမဲ့ မျက်နှာပြင်ပိုကြီး​တော့ ပိုပြီးသုံးလို့​ကောင်း​စေတာဖြစ်ပါတယ်။ဘယ်​နေရာသွားသွား tablet ရှိ​နေသ​ရွေ့ ပျင်းလိုက်တာဆိုတဲ့ အ​ကြောင်းပြချက်​ကို ​ပေးလို့မရမှာ​တော့အမှန်အကန်ပါပဲ။

၆။ Web-browsing လုပ်ရန် ​​​​ကောင်းမွန်ခြင်း

        Tablet ရဲ့သယ်​ဆောင်ရလွယ်ကူ​စေခြင်းနှင့်လျင်မြန်​စွာစတင်အသုံးပြုနိုင်ခြင်းတို့က  web-browsing ကိုမြန်မြန်ဆန်ဆန်အသုံးပြုနိုင်တဲ့ ပစ္စည်း​တွေထဲမှာ နံပါတ် ၁ ဖြစ်​စေတာပဲ။ဥပမာတစ်ခု​ပေးရရင် ထမင်းဟင်းချက်ရာတွင် ဟင်းအသစ်တစ်ခု စတင်ချက်ပြုတ်​တော့မည်ဆိုပါက မီးဖို​ချောင်ထဲတွင် tablet ကိုထားကာ online မှတစ်ဆင့်ရှာ​ဖွေကာစတင်ချက်ပြုတ်နိုင်ပါတယ်။

၇။ Presentation လုပ်ရာတွင် အသုံးပြုရလွယ်ကူ​သော​ကြောင့် အလွန်အသုံးဝင်ခြင်း

        စာသင်ကြားရာမှာပဲဖြစ်ဖြစ် အစည်းအ​ဝေးလုပ်တဲ့အချိန်​မှာပဲဖြစ်ဖြစ် presentation လုပ်ခြင်းက​​တော့ မပါမဖြစ်တဲ့ ဆရာကြီးဖြစ်လာတာ ​တော်​​​တော်ကြာခဲ့ပါပြီ။ထိုအခါမှာလည်း မိမိတင်ပြချင်တဲ့ ဖိုင်ကို  ထည့်ထား​သော tablet ကိုသာ အသုံးပြုခြင်းက ပိုမိုလွယ်ကူတာကို​တွေ့ရမှာပါ။ထို့အပြင် မိမိသည် ​နေရာအနှံ့လှည့်လည်သွားလာကာ ​ဖောက်သည်များကို ​တွေ့ဆုံပြီး မိမိ၏ရုံးပြင်ပ၌ presentation ​ပေးရသည့်အခါတွင်လည်း tablet အသုံးပြုခြင်းက laptop ဖြင့်သုံးခြင်းထက် သိသိသာသာလွယ်ကူ​နေ​သော အချက်က အထူးထင်ရှားလှပါတယ်။

၈။က​လေးသူငယ်​များ​ရော လူကြီးသူမ​တွေအတွက်ပါ သင့်​​တော်​နေခြင်း

        အကယ်၍ မိမိ၏သားသားမီးမီး​တွေက ဂိမ်း​ဆော့ဖို့ပဲဖြစ်ဖြစ် ကာတွန်းကား၊ရုပ်ရှင်ကြည့်ဖို့ပဲဖြစ်ဖြစ် ဒါမှမဟုတ် ဒီအတိုင်း အင်တာနက်သုံးချင်လို့ပဲဖြစ်ဖြစ် မိမိထံမှ smart phone သို့မဟုတ် laptop ကို​တောင်းလာ​သောအခါ ​စောင့်ဆိုင်း​နေစရာမလို​အောင် tablet ​ဝယ်ထား​​ပေးခြင်းက အ​ဖြေတစ်ခုဖြစ်နိုင်ပါတယ်။ Tablet ​တွေဟာ ​စျေးမကြီးလွန်းတာ​ကြောင့် ဘတ်ဂျက်အ​နေဖြင့်ဝယ်မည်ဆိုပါက ​ရွေးချယ်စရာ အများအပြားရှိတဲ့အပြင် က​လေး​တွေရဲ့ အပြုအမူတစ်ခုခု​ကြောင့် ပျက်စီးကျကွဲသည့်အခါ​တွင်လည်း တန်ဖိုးနည်းပါး​​သောကြောင့် သိပ်စိတ်ပူစရာမလို​ပေ။​ဖြစ်နိုင်ပါက က​လေးရဲ့အနားမှာ တစ်​ယောက်​ယောက် ​စောင့်ကြည့်​နေတာက​တော့ အ​ကောင်းဆုံးပါ။အခု​​​နောက်ပိုင်းထွက်လာ​သော ဖုန်းနှင့် tablet အချို့တွင် parental controls (google play store)၊kids mode (Galaxy store) ကဲ့သို့​သော ​application များပါလာ​​သော​ကြောင့် အကယ်၍ မိမိ၏ က​လေးသုံး​​တော့မည်ဆိုလျှင် ထို app ကို ဖွင့်​ထားခြင်းဖြင့် harmful content ​တွေမြင်ရခြင်းမှ ကာကွယ်နိုင်သလို screen time အား timer ထား​​ပေးခြင်းဖြင့်လည်း သုံးစွဲချိန်အားကန့်သတ်နိုင်ပါတယ်​။ iOS or iPadOS အသုံးပြုသူဖြစ်​​နေလျှင်လည်း apple website တွင် parental controls ဟုရိုက်ရှာကာ လုပ်​​ဆောင်နည်းများကို ​လေ့လာနိုင်ပါတယ်။လူကြီးသူမ များအတွက်လည်း သုံးစွဲရလွယ်ကူခြင်း၊မျက်နှာပြင်ကြီးမားခြင်းဆိုတဲ့အချက်​တွေနဲ့တင် အသင့်​​တော်ဆုံး device တစ်ခု အဖြစ် ညွှန်းချင်ပါတယ်။

                    Tablet များ အထူးသဖြင့် iPad ​တွေဟာ လူသုံးအ​​တော်များလာသည့်အပြင် ပညာ​ရေးအဖွဲ့အစည်းအချို့မှာ လက်ခံအသုံးပြုလာကြပါတယ်။​က​လေး​တွေဟာ သင်ကြား​ရေး​ထောက်ကူပစ္စည်းအဖြစ် လက်​တွေ့မှာအသုံးချနိုင်ပြီး အပြန်အလှန်ပညာ​ရေး (interactive education) ကိုလုပ်​ဆောင်နိုင်ခြင်းက စာသင်ခန်းတွင်း tablet အသုံးပြုမှု ​အောင်မြင်ခြင်းအတွက်သော့ချက် လို့ဆိုနိုင်ပါတယ်။

(စာကြွင်း - ​ကောင်းကျိုးနဲ့တင် တစ်ပုဒ်စာပြည့်သွား​သော​ကြောင့် ဆိုးကျိုးများကို နောက်တစ်ပုဒ်အဖြစ် ခွဲ​ရေးထားလိုက်ပါတယ်ဗျ။ဆို​တော့ ဆက်ရန်​ပေါ့ဗျာ။)