မိုးယိုနေတဲ့တဲကုတ်လေး

Unicode

မိုးယိုနေတဲ့တဲကုတ်လေးဟာ အခုဆိုရင်အထီးကျန်ပြီး၊ ပြာအဖြစ်အပြောင်းခံလိုက်ရတယ်။ ကျွန်တော့်ရင်ထဲမှာ လောင်နေတဲ့မီးဟာလည်း ကံကံ၏အကျိုးလို့မှတ်ယူပြီး အတင်းဖြေသိမ့်လိုက်ရတယ်။

မိုးရာသီမှာ ဆိုကျွန်တော်တို့တဲကုတ်လေးက မိုးမလုံလို့မိုးယိုနေတတ်ပါတယ်။ မိုးယိုနေတဲ့တဲကုတ်လေးဟာ ကျဉ်းမြောင်းပေမယ့် အနည်းဆုံးတော့အထောက်အကူပေးပါတယ်။ အပေါက်အဖာပေါင်းများစွာရှိနေပေမယ့် လည်းမချမ်းအေးလှပါဘူး။ အဲ့ဒါကကျွန်တော်တို့သားအဖရဲ့မေတ္တာလေးနဲ့နွေးထွေးနေလို့ပေါ့။ ကျွန်တော့်

အမေဆုံးပြီးကတည်းက ကျွန်တော့်ဘဝမှာအဖေနေရာရော၊ အမေနေရာပါ အဖေတစ်ယောက်ထဲ တာဝန်ယူထားရတာပေါ့။ ကျွန်တော့်အဖေအမြဲပြောတယ်။ ပညာတတ်ကြီးဖြစ်အောင်လုပ်၊ ပညာတတ်ကြီးဖြစ်မှ အဖေ့လိုမပင်ပန်းရမှာတဲ့။ အဖေကအလယ်တန်းနဲ့ကျောင်းထွက်ခဲ့ရပြီး မိသားစုအတွက်ရှုန်းကန်နေခဲ့ရတာမလို့ ကျောင်းမပြီးလိုက်ရဘူး။ ဒါပေမဲ့အဖေကစာဖတ်တာဝါသနာပါတယ်။ဒါကြောင့်မို့ ညနေစောင်းလို့ ဈေးလှည်းသိမ်းပြီးတိုင်း ရပ်ကွက်စာကြည့်တိုက်ကို သွားလေ့ရှိတယ်။ ကျွန်တော်ကအဖေ့ရဲ့တစ်ဉီးတည်သောသား

နဲ့တစ်ခုတည်းသောမျော်လင့်ချက်ပဲ။ ဒါကြောင့်ကျွန်တော်လည်းကြိုးစားပါတယ်။ အခုလိုရောဂါကပ်ဘေးတွေနဲ့ နိုင်ငံရေးအခြေအနေတွေက မကောင်းလည်း အဖေကဈေးရောင်းထွက်တာပဲ။ နေပူပူ၊မိုးရွာရွာ ဘယ်လိုရာသီဉတုမျိုးကမှ အဖေ့ကိုမတားဆီးနိုင်ဘူး။ အဖေအမြဲပြောနေကြစကားရှိတယ်။ အဲဒါက လက်လုပ်မှပါးစပ်လုပ်ရမှာတဲ့။ ဒီစကားကိုအရင်ကကျွန်တော်နားထောင်နေရပေမယ့် နားမလည်ခဲ့ဘူး။ အသက်အရွယ်နဲ့ဘဝကပေးတဲ့ သင်ခန်းစာတွေကြောင့် ကျွန်တော်လည်းရင့်ကျက်ပြီး နားလည်လာပါပြီ။ ဒါပေမဲ့ဒီကာလမှာ ဈေးရောင်းထွက်ရတာဟာ စစ်မြေပြင်ကိုစွန့်စားသွားနေရသလိုပဲ။ ဘယ်အချိန်မှာ

ဘယ်လိုအန္တရာယ်တွေ ကျရောက်လာမလဲမသိတာမလို့ ရင်တထိတ်ထိတ်ပဲ။ ကိုဗစ်တွေကြောင့်ကျောင်း ပိတ်ထားရတာမလို့ ကျွန်တော်အဖေ့ကိုကူပြီး ဈေးရောင်းပေးတယ်။ မနေ့ကအဖေနဲ့အတူတ တစ်လမ်းဝင်တစ်လမ်းထွက်နဲ့ ရောင်းတာအချိန်တွေက ဘယ်လိုမှန်းမသိဘဲကုန်သွားတယ်။လူလည်းပန်းပြီး

ခြေထောက်တွေလည်းနာလှပြီ။ ဒါပေမဲ့အဖေ့ကြည့်ရတာ ဘာမှမဖြစ်တဲ့ပုံပဲ။ ဒီနေ့တော့ကျွန်တော်ခြေထောက်တွေနာနေလို့ ဈေးလိုက်မရောင်းနိုင်ဘူး။ အဖေတစ်ယောက်ထဲလှည်း

နဲ့ထွက်ရောင်းတယ်။ အဖေ့ကိုတစ်ယောက်ထဲသာ သွာရောင်းတာ ကျွန်တော်ကတော့ရင်တပူပူနဲ့ပဲ။ အဖေကမဟုတ်ရင်မခံစိတ်ရှိတယ်။ သူတစ်ပါးအနိုင်ကျင့်ခံနေရတာမြင်ရင် ကျော်မသွားတတ်သူ။ ဒါကြောင့်မလို့ ပိုစိတ်ပူမိတယ်။ ဟိုအကောင်တွေနဲ့တွေ့မှဖြင့်ဆိုပြီး ရင်တမမနဲ့။ ရွာထိပ်မှာ သူတို့တပ်လာဆွဲထားတယ်။ သူတို့တွေကသနပ်ကြီးတကားကားနဲ့မျက်လုံးကြီးအပြူး သားတွေနဲ့ စောင့်ကြည့်နေတယ်။ လာသမျှကိုဖမ်းစားမယ့် ဘီးလူးကြီးတွေကြနေတာပဲ။

ရုတ်တရက်သေနပ်သံကြီး"ဒိုင်းဒိုင်း"ကြားတော့ကျွန်တော့နှလုံးတွေပြုတ်ကျမတက်ထိတ်

လန့်ပူလောင်နေတယ်။ဒီအချိန်ခေါင်းထဲမှာပေါ်လာတာ"အဖေ.........အဖေ"ဆိုပြီးကျွန်တော်ကိုယ့်ကိုကိုမှန်းမသိအောင်သွေးပျက်နေတယ်။လှေကားခြေရင်းမှာထိုင်ရင်းဆေးလိမ်းနေတဲ့ကျွန်တော့်ကိုဘေးအိမ်ကဒေါ်စွာမိက"ဟဲ့ဟိုကောင်တွေတို့လမ်းထဲဝင်လာပြီအိမ်ထဲဝင်နေတော့"ဆိုပြီးအော်ပြောနေတယ်။တစ်ရွာလုံးကလည်းရုတ်ရုတ်သဲသဲပဲ။ကျွန်တော့်မျက်လုံးထဲမှာအဖေ့ကိုပဲမြင်ယောင်နေပြီးကျောက်ရုပ်ကြီးလိုတောင့်တောင့်ကြီးဖြစ်နေပြီးဆေးလိမ်းနေတာကိုတောင်မေ့ရလောက်ပဲ။ ကျွန်တော်ရုတ်တရက်သတိဝင်လာပြီး အိမ်ထဲပြေးဝင်လိုက်တယ်။တံ ခါးကိုစောင့်ပိတ်ပြီးကျောနဲ့မှီထားလိုက်တယ်။ အခွင့်မသာပေလို့။ ဖြစ်နိုင်ရင်ကျွန်တော်ခုချက်ချင်းအဖေ့ဆီ ပြေးသွားလိုက်ချင်တယ်။ ဒါပေမဲ့အဖေဘယ်ဆီများရောက်နေလဲ ကျွန်တော်မသိ။ ခဏအကြာကျွန်တော်တို့အိမ်ရှေ့မှာ ပြန်ပြီးရုတ်ရုတ်သဲသဲ ဖြစ်နေလို့ ထွက်ကြည့်တော့ ရွာထိပ်မှာသေနပ်ဒဏ်ရာရတဲ့သူတွေ အလောင်းကိုသယ်လာကြတာ။ နောက်တစ်ကြိမ်အဖေများလားဆိုပြီး စိတ်ကမှန်းဆမိပြန်တယ်။အနားကိုကပ်သွားပေမဲ့ကျွန်တော်မကြည့်ရက်ဘူး။ခဏနေအလောင်းပိုင်ရှင်အနားရောက်လာပြီးငိုနေတာကိုတွေ့တော့မှကျွန်တော့်အဖေမဟုတ်ဘူးဆိုတာသိပြီးအနည်းငယ်တော့စိတ်သက်သာရာရလိုက်တယ်။သေဆုံးသူမိသားစုအတွက်တော့ကျွန်တော်လည်းထပ်တူကြေကွဲရပါတယ်။အထူးသဖြင့်အပြစ်မရှိတဲ့ဆယ်ကျ်ာသက်လေးမို့ပိုပြီးနှမျောမိပြီးရင်နာရတယ်။သူ့မှာရွှေရောင်အနာဂတ်တွေအမျာကြီးရှိပါသေးတယ်။လူမဆန်လိုက်တာလို့ပါးစပ်ကနာကျည်းစွာတဖွဖွပြောရင်းလက်သီးဆုပ်လျက်ကျွန်တော့်အဖေဈေးသွားရောင်းနေကြ

နေရာတွေကိုလိုက်ရှာခဲ့တယ်။ဒါပေမယ့်ဘယ်မှာမှမတွေ့။အဖေအိမ်များပြန်ရောက်နေမလားလို့စိတ်ကမှန်းဆမိပြီးအိမ်ကိုအပြေးသွားပေမယ့်မျော်လင့်ထားတာနဲ့တလွဲစီဖြစ်ပြန်တယ်။အိမ်ကခြောက်ကပ်နေပြီးခြံထဲမှာတဲကလေးတစ်လုံတည်းငိုင်ငိုင်လေးဖြစ်နေတယ်။ဒီအချိန်ခေါင်းထဲမှာပေါ်လာတာကျွန်တော်အိမ်ပြန်လာပြီဆိုခြံရှေ့ထွက်ရပ်ပြီးကြိုနေတတ်တဲ့ကျွန်တော့်အဖေ။အပြုံးများစွာနဲ့အဖေဘယ်များရောက်နေလဲ။တစ်ချိန်ကနွေးထွေးခဲ့တဲ့တဲကလေးအခုတော့အထီးကျန်သွားပြီပေါ့။ဒီနေ့ညအဖေအိမ်ပြန်မလာဘူး။ဘေးအိမ်ကဒေါ်စွာမိကမင်းအဖေပြန်လာမှာပါတဲ့၊အရမ်းစိတ်မပူပါနဲ့တဲ့။ဘယ်သူဘာပြောပြောကျွန်တော့်ရင်ထဲမှာတိုက်နေတဲ့မုန်တိုင်းကိုဘယ်သူမှမတားဆီးနိုင်ဘူး။အဖေ

မပါတဲ့ညထမင်းဝိုင်းလေးကိုကျွန်တော်ဝင်ထိုင်နေမိ၏။ဒါပေမဲ့ကျွန်တော်မစားနိုင်။ထမင်းစားရင်ကျွန်တော့်ကိုအမြဲဦးစားပေးတဲ့အဖေ့ပုံရိပ်တွေခပ်ရေးရေးလေးပေါ်လာပြန်တယ်။အမှန်တကယ်ဖြစ်ရင်ကောင်းမယ်လို့တွေးရင်းပျောက်ကွယ်သွားပြန်တယ်။နေ့တွေညတွေတစ်ရက်ပြီးတစ်ရက်ကုန်ဆုံးသွားခဲ့တယ်။အဖေပြန်မလာဘူး။ကျွန်တော်လည်းအဖေ့ကိုတစ်လမ်းဝင်တစ်လမ်း ထွက်နဲ့ရပ်ကွက်တွေတစ်ခုပြီးတစ်ခုလိုက်ရှာပေမဲ့မတွေ့ခဲ့။အဲဒီနေ့ကအဖေစောစောပြန်လာ

မယ်ဆိုပြီးလက်ပြထွက်သွားတာအဲဒီနေ့ကနောက်ဆုံးများဖြစ်နေမလား။မဖြစ်နိုင်တာ"ဖွဖွ....ဖွဖွ"ဆိုပြီးကိုယ့်ကိုကိုယ်စိတ်ပြန်ဖြေနေမိပြန်တယ်။နဂိုကတည်းကရှိတာမှသားအဖနှစ်ယောက်ထဲအခုတော့၊ဘယ်လိုကံကြမ္မာဆိုးတွေများလဲ။ဘာလို့ကျွန်တော်တို့ကိုမှလဲ။ကံကိုအပြစ်တင်နေပေမဲ့ကျွန်တော့်ဘဝကပြောင်းလဲမသွား။ကျွန်တော်ရွာလူကြီးဆီရောက်ခဲ့တယ်။ကျွန်တော်တို့လိုငွေကြေးမရှိတဲ့သူအဖို့သူတို့ဘာမှမလုပ်ပေးနိုင်ဘူးတဲ့။

ဒီစကားကကျွန်တော့်အရှိုက်ကိုလာထိတယ်။ဒီစကားကကျွန်တော်ပထမဆုံးနာကျဥ်းစိတ်ဖြစ်ပေါ်လာတဲ့စကားပဲ။အခုဆိုဒီမိုးမလုံ၊လေမလုံအိမ်လေးမှာကျွန်တော်တစ်ယောက်ထဲမျက်ရည်တွေနဲ့ဖုံးလွမ်းနေတယ်။ဘယ်အချိန်မှာများပြန်နွေးထွေးလာနိုင်မလဲ။ကျွန်တော်နဲ့အဖေပေါင်းမှတစ်ဘဝဖြစ်တာ။အခုတော့တစ်ကောင်ကြွက်ဖြစ်နေပြီ။အဖေ့သတင်းအစအနဘယ်မှာမှမရ။ကျွန်တော်အပြင်းပြဆုံးဆန္ဒတစ်ခုကိုပြောပါဆိုရင်အဖေအဆင်ပြေရဲ့လား၊အသက်ရှင်နေရဲ့လားဆိုတာသိချင်တယ်။ကျွန်တော့်ဘဝရှေ့ဆက်ဖို့ဒီအဖြေလေးတစ်ခု ပဲသိချင်တာပါ။ဘယ်သူများကူညီနိုင်မလဲ ကျွန်တော်မသိဘူး။ကျွန်တော်တို့လိုခြေသလုံးအိမ်တိုင်များကိုကူညီနိုင်တဲ့သူဒီကမ္ဘာမှာမှမဟုတ်ဘူး၊ဒီနယ်မြို့လေးမှာတောင်မရှိနိုင် တော့ ဘူးလား။

တစ်ညမှာအမြဲတိတ်ဆိတ်ပြီးငြိမ်းချမ်းလှတဲ့ကျွန်တော်တို့ရွာကလေး ရုတ်တရက်အတုံးအရုံးနဲ့ အုံးအုံးကြွကြွဖြစ်ပြီးပူညံပွက်လောရိုက်နေ၏။မကြာခင်ဆိုသလိုပဲထိုအပူများကျွန်တော်တို့ထံသို့ကူးစက်လာပြီ။ကျွန်တော်အိမ်မက်များမက်နေတယ်ထင်နေခဲ့ပေမဲ့အဖေကျွန်တော့်ကိုလာနိုးနေသ လိုခံစားမိတာတော့အမှန်ပင်။

ကျွန်တော်နိုးတော့ကျွန်တော့်အိမ်တစ်ခြမ်းမီးကျွမ်းနေပြီ။အဖေပြန်လာတာအိမ်မက်ပါပဲ။အိမ်မက်ကအိမ်မက်ပါပဲ။လက်တွေ့ဖြစ်မလာခဲ့ဘူးလေ။အဖေကကျွန်တော့်အိမ်မက်ထဲမှာ၊လက်တွေ့ကကျွန်တော်ဒီအိမ်ပေါ်ကအမြန်ဆင်းပြေးဖို့ပဲ။အဖေ့ဗီဒိုကိုအလောတကြီးဖွင့်ကာလိုအပ်တာလေးယူပြီးအသက်လုပြေးရတယ်။ဒီအချိန်မှာအရေးပေါ်ကြုံရင်ယူရမယ့်ပစ္စည်းတွေအကြောင်းအဖေပြောပြဖူးတာကိုသွားသတိရမိတယ်။ကျွန်တော့်အတွက်အရာရာစဥ်းစားပေးတဲ့

အဖေအဆင်မှပြေနေရဲ့လား။စဥ်းစားလို့မှမဆုံးသေးဘူးဘေးအိမ်ကဒေါ်စွာမိကကျွန်တော့်လက်ကိုအတင်းဆွဲပြီး"တစ်ရွာလုံးဟိုအကောင်တွေမီးရှို့လို့ဘေးလွတ်ရာကိုအမြန်သိမ်းရှောင်ရမယ်အမြန်လာ"ဆိုပြီးကျွန်တော့်ကိုဒရွတ်ကြီးဆွဲခေါ်သွားတယ်။ကျွန်တော်ကတော့စိတ်နဲ့လူနဲ့မကပ်။ကျွန်တော်ပြေးသာပြေးရတယ်ခေါင်းထဲမှာလွတ်မြောက်ရမယ်ဆိုတဲ့အတွေးတဆိုးတစိမျှပေါ်မလာ။အဖေဘာဖြစ်မှန်းမသိတဲ့ကျွန်တော့်အဖို့အသက်ရှင်နေဖို့အကြောင်းရှိသေးရဲ့လား။အဖေပြန်လာလို့ကျွန်တော့်ကိုမတွေ့ရင်ဘယ့်နှယ့်လုပ်မလဲ၊လို့တွေးရင်းမျက်ရည်တွေစီးကျလာတယ်။ အတွေးတွေအကြာကြီးမချဲ့နိုင်ဘူး။ကျွန်တော်တို့ဘေးလွှတ်ရာကိုသွားပြီးတောခိုနေကြရတယ်။မိုးမလုံတဲ့အိမ်လေးကိုကျွန်တော်သတိရတယ်။အဖေပြန်လာမယ့်အချိန်ထိကျွန်တော်အဲ့ဒီအိမ်လေးမှာစောင့်နေချင်တယ်။ဒါပေမဲ့

အဖေ့ရဲဆန္ဒတွေအရဆိုရင်ဒီလိုဖြစ်စေချင်မှာမဟုတ်ဘူးဆိုတာကျွန်တော်သိတယ်။ကျွန်တော်အဖေ့ကိုဆက်ဆက်ရှာမယ်။တဲစုတ်လေးတောင်မှမိုးရာသီမှာအနည်းဆုံးမိုးရေကိုကာကွယ်ပေးပြီး၊ဆောင်းရာသီမှာလေအေးတွေရဲ့တိုက်ခတ်မူဒဏ်ကိုလည်းကြံကြံခံနိုင်တယ်၊နွေရာသီမှာလည်းလေဝင်လေထွက်ကောင်းတယ်။ဒီတဲစုတ်လေးတောင်မှသုံးရာသီလုံးအကျိုးပြုနိုင်တယ်။ကျွန်တော်လည်းပတ်ဝန်းကျင်နဲ့သဟဇာတဖြစ်အောင်တဲလေးလိုမျိုးနေထိုင်ပါ့မယွ။ကျွန်တော်မျော်နေပါ့မယ်အဖေ။အဖေပြန်လာမယ့်အချိန်ထိပေါ့။ဒီအိမ်လေးမှာတစ်နေ့ပြန်ဆုံမယ်။ပြာဖြစ်သွားတဲ့မိုးမလုံတဲ့၊တဲလေးနေရာမှာမိုးလုံလေလုံခိုင်ခံတဲ့အိမ်လေးကျွန်တော်တို့ပြန်ဆောက်ကြမယ်။ဒီကပ်ဘေးကြီးပြီးတဲ့တစ်နေ့၊တော်လှန်ရေးကြီးအောင်တဲ့တစ်နေ့ပေါ့။ကျွန်တော့်စိတ်မှန်းနဲ့အဖေ့ကိုပြောနေပေမဲ့၊ကျွန်တော့်အဖေဘယ်မှာလဲ။ဘယ်သူများကျွန်တော့်ကိုအဖြေပေးနိုင်မလဲ။

Zawgyi

မိုးယိုေနတဲ့တဲကုတ္ေလးဟာ အခုဆိုရင္အထီးက်န္ၿပီး၊ ျပာအျဖစ္အေျပာင္းခံလိုက္ရတယ္။ ကြၽန္ေတာ့္ရင္ထဲမွာ ေလာင္ေနတဲ့မီးဟာလည္း ကံကံ၏အက်ိဳးလို႔မွတ္ယူၿပီး အတင္းေျဖသိမ့္လိုက္ရတယ္။

မိုးရာသီမွာ ဆိုကြၽန္ေတာ္တို႔တဲကုတ္ေလးက မိုးမလုံလို႔မိုးယိုေနတတ္ပါတယ္။ မိုးယိုေနတဲ့တဲကုတ္ေလးဟာ က်ဥ္းေျမာင္းေပမယ့္ အနည္းဆုံးေတာ့အေထာက္အကူေပးပါတယ္။ အေပါက္အဖာေပါင္းမ်ားစြာရွိေနေပမယ့္ လည္းမခ်မ္းေအးလွပါဘူး။ အဲ့ဒါကကြၽန္ေတာ္တို႔သားအဖရဲ႕ေမတၱာေလးနဲ႔ေႏြးေထြးေနလို႔ေပါ့။ ကြၽန္ေတာ့္

အေမဆုံးၿပီးကတည္းက ကြၽန္ေတာ့္ဘဝမွာအေဖေနရာေရာ၊ အေမေနရာပါ အေဖတစ္ေယာက္ထဲ တာဝန္ယူထားရတာေပါ့။ ကြၽန္ေတာ့္အေဖအၿမဲေျပာတယ္။ ပညာတတ္ႀကီးျဖစ္ေအာင္လုပ္၊ ပညာတတ္ႀကီးျဖစ္မွ အေဖ့လိုမပင္ပန္းရမွာတဲ့။ အေဖကအလယ္တန္းနဲ႔ေက်ာင္းထြက္ခဲ့ရၿပီး မိသားစုအတြက္ရႈန္းကန္ေနခဲ့ရတာမလို႔ ေက်ာင္းမၿပီးလိုက္ရဘူး။ ဒါေပမဲ့အေဖကစာဖတ္တာဝါသနာပါတယ္။ဒါေၾကာင့္မို႔ ညေနေစာင္းလို႔ ေဈးလွည္းသိမ္းၿပီးတိုင္း ရပ္ကြက္စာၾကည့္တိုက္ကို သြားေလ့ရွိတယ္။ ကြၽန္ေတာ္ကအေဖ့ရဲ႕တစ္ဉီးတည္ေသာသား

နဲ႔တစ္ခုတည္းေသာေမ်ာ္လင့္ခ်က္ပဲ။ ဒါေၾကာင့္ကြၽန္ေတာ္လည္းႀကိဳးစားပါတယ္။ အခုလိုေရာဂါကပ္ေဘးေတြနဲ႔ ႏိုင္ငံေရးအေျခအေနေတြက မေကာင္းလည္း အေဖကေဈးေရာင္းထြက္တာပဲ။ ေနပူပူ၊မိုး႐ြာ႐ြာ ဘယ္လိုရာသီဉတုမ်ိဳးကမွ အေဖ့ကိုမတားဆီးႏိုင္ဘူး။ အေဖအၿမဲေျပာေနၾကစကားရွိတယ္။ အဲဒါက လက္လုပ္မွပါးစပ္လုပ္ရမွာတဲ့။ ဒီစကားကိုအရင္ကကြၽန္ေတာ္နားေထာင္ေနရေပမယ့္ နားမလည္ခဲ့ဘူး။ အသက္အ႐ြယ္နဲ႔ဘဝကေပးတဲ့ သင္ခန္းစာေတြေၾကာင့္ ကြၽန္ေတာ္လည္းရင့္က်က္ၿပီး နားလည္လာပါၿပီ။ ဒါေပမဲ့ဒီကာလမွာ ေဈးေရာင္းထြက္ရတာဟာ စစ္ေျမျပင္ကိုစြန္႔စားသြားေနရသလိုပဲ။ ဘယ္အခ်ိန္မွာ

ဘယ္လိုအႏၲရာယ္ေတြ က်ေရာက္လာမလဲမသိတာမလို႔ ရင္တထိတ္ထိတ္ပဲ။ ကိုဗစ္ေတြေၾကာင့္ေက်ာင္း ပိတ္ထားရတာမလို႔ ကြၽန္ေတာ္အေဖ့ကိုကူၿပီး ေဈးေရာင္းေပးတယ္။ မေန႔ကအေဖနဲ႔အတူတ တစ္လမ္းဝင္တစ္လမ္းထြက္နဲ႔ ေရာင္းတာအခ်ိန္ေတြက ဘယ္လိုမွန္းမသိဘဲကုန္သြားတယ္။လူလည္းပန္းၿပီး

ေျခေထာက္ေတြလည္းနာလွၿပီ။ ဒါေပမဲ့အေဖ့ၾကည့္ရတာ ဘာမွမျဖစ္တဲ့ပုံပဲ။ ဒီေန႔ေတာ့ကြၽန္ေတာ္ေျခေထာက္ေတြနာေနလို႔ ေဈးလိုက္မေရာင္းႏိုင္ဘူး။ အေဖတစ္ေယာက္ထဲလွည္း

နဲ႔ထြက္ေရာင္းတယ္။ အေဖ့ကိုတစ္ေယာက္ထဲသာ သြာေရာင္းတာ ကြၽန္ေတာ္ကေတာ့ရင္တပူပူနဲ႔ပဲ။ အေဖကမဟုတ္ရင္မခံစိတ္ရွိတယ္။ သူတစ္ပါးအႏိုင္က်င့္ခံေနရတာျမင္ရင္ ေက်ာ္မသြားတတ္သူ။ ဒါေၾကာင့္မလို႔ ပိုစိတ္ပူမိတယ္။ ဟိုအေကာင္ေတြနဲ႔ေတြ႕မွျဖင့္ဆိုၿပီး ရင္တမမနဲ႔။ ႐ြာထိပ္မွာ သူတို႔တပ္လာဆြဲထားတယ္။ သူတို႔ေတြကသနပ္ႀကီးတကားကားနဲ႔မ်က္လုံးႀကီးအျပဴး သားေတြနဲ႔ ေစာင့္ၾကည့္ေနတယ္။ လာသမွ်ကိုဖမ္းစားမယ့္ ဘီးလူးႀကီးေတြၾကေနတာပဲ။

႐ုတ္တရက္ေသနပ္သံႀကီး"ဒိုင္းဒိုင္း"ၾကားေတာ့ကြၽန္ေတာ့ႏွလုံးေတြျပဳတ္က်မတက္ထိတ္

လန္႔ပူေလာင္ေနတယ္။ဒီအခ်ိန္ေခါင္းထဲမွာေပၚလာတာ"အေဖ.........အေဖ"ဆိုၿပီးကြၽန္ေတာ္ကိုယ့္ကိုကိုမွန္းမသိေအာင္ေသြးပ်က္ေနတယ္။ေလွကားေျခရင္းမွာထိုင္ရင္းေဆးလိမ္းေနတဲ့ကြၽန္ေတာ့္ကိုေဘးအိမ္ကေဒၚစြာမိက"ဟဲ့ဟိုေကာင္ေတြတို႔လမ္းထဲဝင္လာၿပီအိမ္ထဲဝင္ေနေတာ့"ဆိုၿပီးေအာ္ေျပာေနတယ္။တစ္႐ြာလုံးကလည္း႐ုတ္႐ုတ္သဲသဲပဲ။ကြၽန္ေတာ့္မ်က္လုံးထဲမွာအေဖ့ကိုပဲျမင္ေယာင္ေနၿပီးေက်ာက္႐ုပ္ႀကီးလိုေတာင့္ေတာင့္ႀကီးျဖစ္ေနၿပီးေဆးလိမ္းေနတာကိုေတာင္ေမ့ရေလာက္ပဲ။ ကြၽန္ေတာ္႐ုတ္တရက္သတိဝင္လာၿပီး အိမ္ထဲေျပးဝင္လိုက္တယ္။တံ ခါးကိုေစာင့္ပိတ္ၿပီးေက်ာနဲ႔မွီထားလိုက္တယ္။ အခြင့္မသာေပလို႔။ ျဖစ္ႏိုင္ရင္ကြၽန္ေတာ္ခုခ်က္ခ်င္းအေဖ့ဆီ ေျပးသြားလိုက္ခ်င္တယ္။ ဒါေပမဲ့အေဖဘယ္ဆီမ်ားေရာက္ေနလဲ ကြၽန္ေတာ္မသိ။ ခဏအၾကာကြၽန္ေတာ္တို႔အိမ္ေရွ႕မွာ ျပန္ၿပီး႐ုတ္႐ုတ္သဲသဲ ျဖစ္ေနလို႔ ထြက္ၾကည့္ေတာ့ ႐ြာထိပ္မွာေသနပ္ဒဏ္ရာရတဲ့သူေတြ အေလာင္းကိုသယ္လာၾကတာ။ ေနာက္တစ္ႀကိမ္အေဖမ်ားလားဆိုၿပီး စိတ္ကမွန္းဆမိျပန္တယ္။အနားကိုကပ္သြားေပမဲ့ကြၽန္ေတာ္မၾကည့္ရက္ဘူး။ခဏေနအေလာင္းပိုင္ရွင္အနားေရာက္လာၿပီးငိုေနတာကိုေတြ႕ေတာ့မွကြၽန္ေတာ့္အေဖမဟုတ္ဘူးဆိုတာသိၿပီးအနည္းငယ္ေတာ့စိတ္သက္သာရာရလိုက္တယ္။ေသဆုံးသူမိသားစုအတြက္ေတာ့ကြၽန္ေတာ္လည္းထပ္တူေၾကကြဲရပါတယ္။အထူးသျဖင့္အျပစ္မရွိတဲ့ဆယ္က်္ာသက္ေလးမို႔ပိုၿပီးႏွေမ်ာမိၿပီးရင္နာရတယ္။သူ႔မွာေ႐ႊေရာင္အနာဂတ္ေတြအမ်ာႀကီးရွိပါေသးတယ္။လူမဆန္လိုက္တာလို႔ပါးစပ္ကနာက်ည္းစြာတဖြဖြေျပာရင္းလက္သီးဆုပ္လ်က္ကြၽန္ေတာ့္အေဖေဈးသြားေရာင္းေနၾက

ေနရာေတြကိုလိုက္ရွာခဲ့တယ္။ဒါေပမယ့္ဘယ္မွာမွမေတြ႕။အေဖအိမ္မ်ားျပန္ေရာက္ေနမလားလို႔စိတ္ကမွန္းဆမိၿပီးအိမ္ကိုအေျပးသြားေပမယ့္ေမ်ာ္လင့္ထားတာနဲ႔တလြဲစီျဖစ္ျပန္တယ္။အိမ္ကေျခာက္ကပ္ေနၿပီးၿခံထဲမွာတဲကေလးတစ္လုံတည္းငိုင္ငိုင္ေလးျဖစ္ေနတယ္။ဒီအခ်ိန္ေခါင္းထဲမွာေပၚလာတာကြၽန္ေတာ္အိမ္ျပန္လာၿပီဆိုၿခံေရွ႕ထြက္ရပ္ၿပီးႀကိဳေနတတ္တဲ့ကြၽန္ေတာ့္အေဖ။အၿပဳံးမ်ားစြာနဲ႔အေဖဘယ္မ်ားေရာက္ေနလဲ။တစ္ခ်ိန္ကေႏြးေထြးခဲ့တဲ့တဲကေလးအခုေတာ့အထီးက်န္သြားၿပီေပါ့။ဒီေန႔ညအေဖအိမ္ျပန္မလာဘူး။ေဘးအိမ္ကေဒၚစြာမိကမင္းအေဖျပန္လာမွာပါတဲ့၊အရမ္းစိတ္မပူပါနဲ႔တဲ့။ဘယ္သူဘာေျပာေျပာကြၽန္ေတာ့္ရင္ထဲမွာတိုက္ေနတဲ့မုန္တိုင္းကိုဘယ္သူမွမတားဆီးႏိုင္ဘူး။အေဖ

မပါတဲ့ညထမင္းဝိုင္းေလးကိုကြၽန္ေတာ္ဝင္ထိုင္ေနမိ၏။ဒါေပမဲ့ကြၽန္ေတာ္မစားႏိုင္။ထမင္းစားရင္ကြၽန္ေတာ့္ကိုအၿမဲဦးစားေပးတဲ့အေဖ့ပုံရိပ္ေတြခပ္ေရးေရးေလးေပၚလာျပန္တယ္။အမွန္တကယ္ျဖစ္ရင္ေကာင္းမယ္လို႔ေတြးရင္းေပ်ာက္ကြယ္သြားျပန္တယ္။ေန႔ေတြညေတြတစ္ရက္ၿပီးတစ္ရက္ကုန္ဆုံးသြားခဲ့တယ္။အေဖျပန္မလာဘူး။ကြၽန္ေတာ္လည္းအေဖ့ကိုတစ္လမ္းဝင္တစ္လမ္း ထြက္နဲ႔ရပ္ကြက္ေတြတစ္ခုၿပီးတစ္ခုလိုက္ရွာေပမဲ့မေတြ႕ခဲ့။အဲဒီေန႔ကအေဖေစာေစာျပန္လာ

မယ္ဆိုၿပီးလက္ျပထြက္သြားတာအဲဒီေန႔ကေနာက္ဆုံးမ်ားျဖစ္ေနမလား။မျဖစ္ႏိုင္တာ"ဖြဖြ....ဖြဖြ"ဆိုၿပီးကိုယ့္ကိုကိုယ္စိတ္ျပန္ေျဖေနမိျပန္တယ္။နဂိုကတည္းကရွိတာမွသားအဖႏွစ္ေယာက္ထဲအခုေတာ့၊ဘယ္လိုကံၾကမၼာဆိုးေတြမ်ားလဲ။ဘာလို႔ကြၽန္ေတာ္တို႔ကိုမွလဲ။ကံကိုအျပစ္တင္ေနေပမဲ့ကြၽန္ေတာ့္ဘဝကေျပာင္းလဲမသြား။ကြၽန္ေတာ္႐ြာလူႀကီးဆီေရာက္ခဲ့တယ္။ကြၽန္ေတာ္တို႔လိုေငြေၾကးမရွိတဲ့သူအဖို႔သူတို႔ဘာမွမလုပ္ေပးႏိုင္ဘူးတဲ့။

ဒီစကားကကြၽန္ေတာ့္အရႈိက္ကိုလာထိတယ္။ဒီစကားကကြၽန္ေတာ္ပထမဆုံးနာက်ဥ္းစိတ္ျဖစ္ေပၚလာတဲ့စကားပဲ။အခုဆိုဒီမိုးမလုံ၊ေလမလုံအိမ္ေလးမွာကြၽန္ေတာ္တစ္ေယာက္ထဲမ်က္ရည္ေတြနဲ႔ဖုံးလြမ္းေနတယ္။ဘယ္အခ်ိန္မွာမ်ားျပန္ေႏြးေထြးလာႏိုင္မလဲ။ကြၽန္ေတာ္နဲ႔အေဖေပါင္းမွတစ္ဘဝျဖစ္တာ။အခုေတာ့တစ္ေကာင္ႂကြက္ျဖစ္ေနၿပီ။အေဖ့သတင္းအစအနဘယ္မွာမွမရ။ကြၽန္ေတာ္အျပင္းျပဆုံးဆႏၵတစ္ခုကိုေျပာပါဆိုရင္အေဖအဆင္ေျပရဲ႕လား၊အသက္ရွင္ေနရဲ႕လားဆိုတာသိခ်င္တယ္။ကြၽန္ေတာ့္ဘဝေရွ႕ဆက္ဖို႔ဒီအေျဖေလးတစ္ခု ပဲသိခ်င္တာပါ။ဘယ္သူမ်ားကူညီႏိုင္မလဲ ကြၽန္ေတာ္မသိဘူး။ကြၽန္ေတာ္တို႔လိုေျခသလုံးအိမ္တိုင္မ်ားကိုကူညီႏိုင္တဲ့သူဒီကမာၻမွာမွမဟုတ္ဘူး၊ဒီနယ္ၿမိဳ႕ေလးမွာေတာင္မရွိႏိုင္ ေတာ့ ဘူးလား။

တစ္ညမွာအၿမဲတိတ္ဆိတ္ၿပီးၿငိမ္းခ်မ္းလွတဲ့ကြၽန္ေတာ္တို႔႐ြာကေလး ႐ုတ္တရက္အတုံးအ႐ုံးနဲ႔ အုံးအုံးႂကြႂကြျဖစ္ၿပီးပူညံပြက္ေလာ႐ိုက္ေန၏။မၾကာခင္ဆိုသလိုပဲထိုအပူမ်ားကြၽန္ေတာ္တို႔ထံသို႔ကူးစက္လာၿပီ။ကြၽန္ေတာ္အိမ္မက္မ်ားမက္ေနတယ္ထင္ေနခဲ့ေပမဲ့အေဖကြၽန္ေတာ့္ကိုလာႏိုးေနသ လိုခံစားမိတာေတာ့အမွန္ပင္။

ကြၽန္ေတာ္ႏိုးေတာ့ကြၽန္ေတာ့္အိမ္တစ္ျခမ္းမီးကြၽမ္းေနၿပီ။အေဖျပန္လာတာအိမ္မက္ပါပဲ။အိမ္မက္ကအိမ္မက္ပါပဲ။လက္ေတြ႕ျဖစ္မလာခဲ့ဘူးေလ။အေဖကကြၽန္ေတာ့္အိမ္မက္ထဲမွာ၊လက္ေတြ႕ကကြၽန္ေတာ္ဒီအိမ္ေပၚကအျမန္ဆင္းေျပးဖို႔ပဲ။အေဖ့ဗီဒိုကိုအေလာတႀကီးဖြင့္ကာလိုအပ္တာေလးယူၿပီးအသက္လုေျပးရတယ္။ဒီအခ်ိန္မွာအေရးေပၚႀကဳံရင္ယူရမယ့္ပစၥည္းေတြအေၾကာင္းအေဖေျပာျပဖူးတာကိုသြားသတိရမိတယ္။ကြၽန္ေတာ့္အတြက္အရာရာစဥ္းစားေပးတဲ့

အေဖအဆင္မွေျပေနရဲ႕လား။စဥ္းစားလို႔မွမဆုံးေသးဘူးေဘးအိမ္ကေဒၚစြာမိကကြၽန္ေတာ့္လက္ကိုအတင္းဆြဲၿပီး"တစ္႐ြာလုံးဟိုအေကာင္ေတြမီးရႈိ႕လို႔ေဘးလြတ္ရာကိုအျမန္သိမ္းေရွာင္ရမယ္အျမန္လာ"ဆိုၿပီးကြၽန္ေတာ့္ကိုဒ႐ြတ္ႀကီးဆြဲေခၚသြားတယ္။ကြၽန္ေတာ္ကေတာ့စိတ္နဲ႔လူနဲ႔မကပ္။ကြၽန္ေတာ္ေျပးသာေျပးရတယ္ေခါင္းထဲမွာလြတ္ေျမာက္ရမယ္ဆိုတဲ့အေတြးတဆိုးတစိမွ်ေပၚမလာ။အေဖဘာျဖစ္မွန္းမသိတဲ့ကြၽန္ေတာ့္အဖို႔အသက္ရွင္ေနဖို႔အေၾကာင္းရွိေသးရဲ႕လား။အေဖျပန္လာလို႔ကြၽန္ေတာ့္ကိုမေတြ႕ရင္ဘယ့္ႏွယ့္လုပ္မလဲ၊လို႔ေတြးရင္းမ်က္ရည္ေတြစီးက်လာတယ္။ အေတြးေတြအၾကာႀကီးမခ်ဲ႕ႏိုင္ဘူး။ကြၽန္ေတာ္တို႔ေဘးလႊတ္ရာကိုသြားၿပီးေတာခိုေနၾကရတယ္။မိုးမလုံတဲ့အိမ္ေလးကိုကြၽန္ေတာ္သတိရတယ္။အေဖျပန္လာမယ့္အခ်ိန္ထိကြၽန္ေတာ္အဲ့ဒီအိမ္ေလးမွာေစာင့္ေနခ်င္တယ္။ဒါေပမဲ့

အေဖ့ရဲဆႏၵေတြအရဆိုရင္ဒီလိုျဖစ္ေစခ်င္မွာမဟုတ္ဘူးဆိုတာကြၽန္ေတာ္သိတယ္။ကြၽန္ေတာ္အေဖ့ကိုဆက္ဆက္ရွာမယ္။တဲစုတ္ေလးေတာင္မွမိုးရာသီမွာအနည္းဆုံးမိုးေရကိုကာကြယ္ေပးၿပီး၊ေဆာင္းရာသီမွာေလေအးေတြရဲ႕တိုက္ခတ္မူဒဏ္ကိုလည္းႀကံႀကံခံႏိုင္တယ္၊ေႏြရာသီမွာလည္းေလဝင္ေလထြက္ေကာင္းတယ္။ဒီတဲစုတ္ေလးေတာင္မွသုံးရာသီလုံးအက်ိဳးျပဳႏိုင္တယ္။ကြၽန္ေတာ္လည္းပတ္ဝန္းက်င္နဲ႔သဟဇာတျဖစ္ေအာင္တဲေလးလိုမ်ိဳးေနထိုင္ပါ့မယြ။ကြၽန္ေတာ္ေမ်ာ္ေနပါ့မယ္အေဖ။အေဖျပန္လာမယ့္အခ်ိန္ထိေပါ့။ဒီအိမ္ေလးမွာတစ္ေန႔ျပန္ဆုံမယ္။ျပာျဖစ္သြားတဲ့မိုးမလုံတဲ့၊တဲေလးေနရာမွာမိုးလုံေလလုံခိုင္ခံတဲ့အိမ္ေလးကြၽန္ေတာ္တို႔ျပန္ေဆာက္ၾကမယ္။ဒီကပ္ေဘးႀကီးၿပီးတဲ့တစ္ေန႔၊ေတာ္လွန္ေရးႀကီးေအာင္တဲ့တစ္ေန႔ေပါ့။ကြၽန္ေတာ့္စိတ္မွန္းနဲ႔အေဖ့ကိုေျပာေနေပမဲ့၊ကြၽန္ေတာ့္အေဖဘယ္မွာလဲ။ဘယ္သူမ်ားကြၽန္ေတာ့္ကိုအေျဖေပးႏိုင္မလဲ။

Search This Blog

Phat Yinn Hlu

မိုးယိုနေတဲ့တဲကုတ်လေး

Comments

Post a Comment