A Sweven Elegy from Nature - Chapter 11

 Unicode

အခန်း (၁၁)

•Mini Mature Scenes mates•

နေသန်သူ၏လျှာအားလှုပ်စိလှုပ်စိဖြင့်ပွင့်ဟကာနေသောQu၏ပါးစပ်ပေါက်ထဲသို့ထိုးကာထည့်လိုက်သည်။မေးစေ့ကိုလက်နှင့်အတင်းဆုပ်ကိုင်ထားကာခေါင်းကိုမော့စေထားသောနေသန့်ကြောင့်Quခမျာဇက်ကြီးကိုလိမ်ကာထားရသည်။စလာကတည်းကQu၏ပါးစပ်အားအားပါးတရစုပ်ယူသုံးစွဲလာတာကြောင့်Quလန့်သွားသလိုကြောက်လဲကြောက်သွားသည်။

နေသန်ကQu၏ခန္ဓာကိုယ်ကိုအတင်းပွေ့ဖက်ထားရာမှတစ်ချက်မြှောက်ကာမတင်လိုက်ပြီးသူ၏ကိုယ်ပေါ်သို့ခွကာတက်စေသည်။Quကလဲသူ့အားမလိုက်သဖြင့်အယောင်ယောင်အမှားမှားဖြင့်နေသန့်ခါးအား​ခြေထောက်နှစ်ဖက်ဖြင့်ဖက်ကာခွထားမိလိုက်သည်။

နေသန်ကသူလိုချင်သည့်အတိုင်းQuခြေထောက်များကြမ်းပြင်မှလွတ်သွားသည်နှင့်တစ်ပြိုင်နက်မီးဖိုချောင်၏ဘေစင်ဘေးပေါ်သို့သွားကာQuအားညှင်သာစွာချလိုက်သည်။ပြီးနောက်သူ၏အနမ်းအရှိန်ကို နှစ်ဆမြှင့်တင်လိုက်လေသည်။ခေါင်းအား ညာဘက်ယိမ်း၊ဘယ်ဘက်ယိမ်းဖြင့်သူ့အလိုကျအတိုင်းသာပြုလုပ်စေပြီးQu၏ခံတွင်းတစ်ခုလုံးကိုပိုင်စိုး၍ယူကာထား၏။

Quကြောက်သည်။ဘာတွေလုပ်နေမှန်း မသိသည့်နေသန့်ရဲ့အကြမ်းပတမ်းပုံစံအားQuမတတ်သာလို့သာအလိုက်သင့်နေရသည်။တကယ်တမ်းသူကြောက်လွန်း၍တုန်တောင်နေပြီ။နေသန့်လည်ပင်းအားသိုင်းဖက်ထားသလိုဖြစ်နေသောသူ၏လက်တွေကိုကြောက်ကြောက်နှင့်ဖယ်ရှားမည်လုပ်တော့နေသန်ကလက်တစ်ဖက်ဖြင့်ပြန်ကာသူ့အားဖက်ထား​စေသည်။

Quငိုသာငိုချလိုက်ချင်သည်။သူဘယ်လိုကြီးဖြစ်နေမှန်းမသိတော့။ခံတွင်းတစ်ခုလုံးကိုနယ်ချဲ့ကာနေသောနေသန့်အားတွန်းကန်ပစ်လိုက်ချင်ပါသော်လည်းအချည်းနှီးသာဖြစ်မည်မှန်းသိထား၏။ရှက်သလိုလိုခံစားနေရပြီးရုပ်ပျက်ဆင်းပျက်ဖြစ်နေမှာမှန်းသိတာကြောင့်နေသန့်ကိုတောင်မကြည့်တော့ပဲမျက်လုံးများကိုဇွတ်ပိတ်ကာထားလိုက်သည်။

နေသန်သူလိုချင်တာမှန်သမျှကိုမလွတ်တမ်းအရယူနေလေ၏။ချိုမြိန်ဖွယ်ကောင်းသောသူ့ချစ်ရသူလေး၏ခံတွင်းထဲတွင် သွားရည်တလိလိတွေကအစအရသာရှိလှသည်။သွားစီစီလေးတွေကိုလဲနေသန်လျှာနှင့်အားရပါးရယက်လိုက်ပြီးတစ်ခါနှုတ်ခမ်းလေးအားအသံထွက်သည်အထိစုပ်ယူပစ်လိုက်ပြန်၏။

နေသန်အခုနိဗ္ဗာန်တက်လို့ရပြီ။ရှိသမျှနတ်ဘုရားအပေါင်းတို့အကျွန်တော်မျိုးနေသန်ယခုနတ်ပြည်တက်ဆိုလဲတက်လို့ရပြီ။ဒီအရသာဒီအထိအတွေ့၊ဒီခံစားမှု အာာား . . အကုန်လုံး အကုန်လုံး ဒီကောင်လေး၏အရာအားလုံးဟာနေသန့်အတွက်ယစ်မူးဖွယ်ကောင်းလွန်းနေသည်။

နေသန်Qu၏မေ့စေ့နားကစီးကျနေသော သွားရည်တွေကိုမျက်စိစွေကာကြည့်လိုက်ရင်းအနမ်းတွေကိုခေတ္တရပ်ပစ်လိုက်ကာထိုသွားရည်ကြည်ကြည်များအားလျှာနှင့်လိုက်ယက်ကာပေးလိုက်၏။ထိုအခါမှQuခမျာအသက်ရှုခွင့်ရပြီးအသက်ကိုအမောတကောရှူကာနေရရှာ၏။

နေသန်ကသွားရည်တွေအားပြောင်စင်အောင်ထိယက်လေပြီးမှQuအားမော့ကြည့်လာသည်။Quကလဲနေသန့်ကိုအကြည့်မျက်လုံးချင်းဆုံသွားတစ်ခဏနေသန်ကမထိတရော့အပြုံးဖြင့်ပြုံးပြသည်။Quရှက်ပါသည်။ဘာမပြောညာမပြောနှင့် ကောက်ကာပါးစပ်ကိုစုပ်လိုက်၊မျိုလိုက်လုပ်နေပြီးသားရဲတစ်ကောင်လိုQuအားစားသုံးနေသည်မှာရှက်စရာဟုတ်၊မဟုတ်မသိသော်လည်းQuရှက်လှသည်။

နေသန်ကQuရှက်ပြီးခေါင်းကိုဘေးဘက်သို့စောင်းကာသွားသောကြောင့်ခပ်ဟဟတစ်ချက်ရယ်လိုက်သည်။Quက သူ၏ပါးစပ်ရှိသွားရည်များကိုလက်ဖမိုးနှင့်သုတ်သည်။နေသန်ကခုထိသူလုပ်နေသမျှကိုလိုက်ကြည့်နေဆဲ။Quကရှက်တော့မနေတော့ပါသော်လည်းသူ့အားတောက်လျှောက်စိုက်ကြည့်ကာနေသောနေသန့်ကြောင့်နည်းနည်းတော့အနေရခက်လာ၏။

"အရမ်းကြီး ကြည့်မနေ.."

ကျွတ်!!ကျွတ်!ကျွတ်!

တစ်ယောက်ယောက်မုန့်စားနေသောအသံဖြစ်သည်။Quနားမလည်သလိုကြည့်လိုက်သည်။နေသန်ကလည်းQuအကြည့်အားနားလည်သလိုQuအားပြန်ကာကြည့်သည်။ပြီးမှနှစ်ယောက်သားမျက်လုံးတွေပြူးကျယ်သွားကာဘေးနားတွင်ထိုင်ကာအေးအေးဆေးဆေးမုန့်စားနေသောလီယွန့်အားလှည့်ကြည့်လိုက်၏။

လီယွန်ကသူတို့နောက်လိုက်လာသည် ဖြစ်ပြီးဘေစင်ဘေးတွင်ရှိနေခြင်းဖြစ်သည်။လက်ထဲကမုန့်ဗူးတောင်တဝက်ကျိုးနေပြီဖြစ်ပြီးလီယွန့်၏ပြုံးစိစိလူယုတ်မာအပြုံးကြီးကQuပင်မကခုနကတရစပ်အကြမ်းပတမ်းဖြင့်လုပ်ချင်တာလုပ်နေသောနေသန်တောင်ကြက်သီးထစေသွား၏။

လီယွန်ကသူ့ကိုသတိရကာသွားပြီဖြစ်သောရှေ့ကနှစ်ယောက်ကိုကျေးဇူးတင်အသိမှတ်ပြုသလိုခပ်ရွဲ့ရွဲ့ခေါင်းငုံ့ကာဦးညွှတ်ပြသည်။

"ကျေးဇူးပါ သတိရပေးသေးလို့မဟုတ်ရင် ငါကအိပ်ယာထဲထိလိုက်ရတော့မယ်ထင်နေတာ"

"မင်း မင်း တစ်ချိန်လုံးလိုက်ကြည့်နေတာလား"

Quကတုန်တုန်ယင်ယင်နှင့်မေးသည်။နေသန်ကQuအားကြည့်လာပြီးလီယွန့်အားပြန်ကြည့်သည်။ထို့နောက်သူလဲမေးလာ၏။

"ငါQuကိုလုပ်ချင်တိုင်းလုပ်နေတာကို

မင်းကမုန့်စားပြီးထိုင်ကြည့်နေတာလား"

"နိတ်..."

နေသန့်၏စကားကြောင့်Quကရှက်သွားပြီး နေသန်၏ပုခုံးအားတစ်ချက်ခပ်နာနာရိုက်ရင်းသူ၏နာမည်အားချွဲ့နွဲ့ကာအသံရှည်ဆွဲခေါ်လိုက်သည်။နေသန်ကဘေစင်ပေါ်တင်ထားတဲ့သူ့လက်တွေကိုလေပေါ်သို့မြှောက်လိုက်ရင်းQuအားဖြေရှင်းချက်ပေးသည်။

"ငါက ဖြစ်ခဲ့တဲ့အတိုင်းပြောတာပါ ဆောရီး ဆောရီး မဟုတ်လို့လား"

"မဟုတ်ဘူးလေ အင်း ဟုတ်ရင်ဟုတ်

အာ ဟုတ်ရင်တောင် အဲ့လိုကြီးတိုက်ရိုက်မပြောနဲ့လေ"

"ဒါဆို ဟုတ်တာတော့ဝန်ခံတယ်ပေါ့"

"...."

"...."

"မသိဘူး.."

Quကနေသန့်အားစကားဗိုလ်လုနေရာမှ နေသန်၏မျက်ခုံးပင့်အမေးကိုခပ်ဖျော့ဖျော့ဖြေလိုက်သည်။နေသန်ကဒီတစ်ခါတော့ခပ်ကျယ်ကျယ်ရယ်လိုက်သည်။ထို့နောက်Qu၏ပါးပြင်ဖွေးဖွေးလေးထက်သို့သူ့၏နှာခေါင်းတွေကိုဖိမြှုပ်ပစ်လိုက်သည်။နောက်တွင်တစ်ချက်ခပ်ဖွဖွနှုတ်ခမ်းအားထိရုံသာနမ်းလိုက်ကာပြုံးရင်းစကားဆိုသည်။

"အချစ်က ရှက်တတ်သားပဲ"

"...အင်း.."

နေသန်၏အပြောကို Quကဝန်ခံသလိုလို မဟုတ်သလိုလိုနှင့်ချုပ်လိုက်သည်။လီယွန်မုန့်ဗူးအားဆွဲကာကုတ်ချင်တော့သည်။သူ့ကိုမေ့သွားပြန်ပြီ။

ငါ*ိုးမသားတွေ။

ဒီဖေ*ိုးမ သားတွေ။

ငါ့ကိုမမြင်နိုင်လောက်တဲ့

အထိဖြစ်ပျက်နေကြတာ။ငါ *ိုး...မ..။

"လီယွန်"

"...(ဆဲဆိုနေ)"

"လီယွန့်..!!"

ဒုတိယအခါမှခေါင်းမော့ကာလာလေသာ 

လီယွန့်အားQuမျက်မှောင်ကုတ်ကာမေးလိုက်သည်။

"ဘာတွေတွေးနေလို့ ငါခေါ်တာမကြားရတာလဲ ပြီးတော့ ဟေး အဲ့မုန့်ခြောက်ဗူးကငါကိုယ်တိုင်လုပ်ထားတာနော် အေး ထိလို့ကတော့မင်းနဲ့ငါနဲ့ထဲကတစ်ယောက်ယောက်တော့မြို့ထဲသွားရလိမ့်မယ် အိုး! ပြောတာပဲ ကြည့် အခုပဲတစ်ဝက်ကျိုးသွားပြီ.."

Quခပ်ရှည်ရှည်စကားနှင့်လီယွန့်အားငေါက်လိုက်သည်။လီယွန်ကဟွန့်ဟုတစ်ချက်ပြုကာသွားပြီးမုန့်ခြောက်ဗူးအားဘေးသို့ဖယ်သွားကာအောက်သို့ခုန်ဆင်းလိုက်သည်။ပြီးမှနေသန့်အားတစ်ချက်နောက်လှည့်ကာစူးစူးစိုက်စိုက်ဖြင့်သုံးစက္ကန့်လောက်အကြည့်ပေးသွားသည်။ပြီးမှ ဘာမှမဖြစ်သလိုနှင့်တံခါးကိုကိုယ်တိုင်တွန်းဖွင့်ပြီးအိမ်လေးထဲမှအေးဆေးစွာထွက်သွားလေတော့သည်။

လီယွန်ထွက်သွားပြီးနောက်နေသန်ကQuအားစကားဆိုလာသည်။

"အဲ့ကောင် ငါ့ကိုwarningပေးသွားတာ"

"ဘယ်လို"

Quနေသန့်စကားကိုနားမလည်၍မေးလိုက်သည်။နေသန်ကအပြင်ဘက်ရှိလီယွန်အားထွက်သွားသည်ကိုလှန်းကြည့်နေရာမှသူ့ဆီပြန်ကာလှည့်လိုက်ပြီးပြုံးရင်းဆိုသည်။

"မင်းကိုငါ့ဆီအပ်သွားပြီ Qu မင်းကြောင်က မင်းကိုငါ့ဆီရောင်းစားလိုက်ပြီ"

"ဘာာ!!"

"မင်းက ကိုယ့်အပိုင်ဖြစ်သွားပြီ"

"ဟမ်???"

"နောက်နေ့ကျမှ မင်းမိဘတွေဆီခွင့်တောင်းကြတာပေါ့ အခုတော့ လာ .. လိုက်ခဲ့အုန်း"

နေသန်ကQuအားဘေစင်ပေါ်မှမကာချပေးလိုက်ပြီးသူ၏လက်ကိုကမ်းပေးလိုက်သည်။Quကြောင်တောင်တောင်လေးနှင့်ပင်သူ၏လက်အားပြန်ကာကမ်းပေးလိုက်ပြီးနေသန့်နောက်ပါသွားသည်။နေသန်ကအိမ်လေးအတွင်းသို့ဝင်သွားသည်။

Qu၏အိမ်လေးသည်ကျဉ်းလှသည်။ရှေ့တွင်Quနားနေကျဆိုဖာကြီးနှင့်လီယွန့်အတွက်နေရာ၊ဘေးတွင်မီးဖိုခန်း၊အဆုံးသို့ဝင်သွားပါလျှင်သူ၏စာကြည့်ခန်းအပေါ်ထပ်ထပ်ခိုးလေးတွင်မူသူ၏အိပ်ခန်း။ယခုမူ နေသန်ကသူ၏စာကြည့်ခန်းကိုကျော်လွန်ကာအတွင်းထဲသို့ဝင်သွားနေသည်။

ဪ..မေ့နေတာ..။

Quရှောင်သည်ကလူတွေချည်းပဲမဟုတ်။

နောက်တစ်ခုရှိသေးသည်။လူတွေလိုပင် သူ့အားအန္တရာယ်သင့်စေတဲ့အရာတစ်ခု..ထိုဟာကတော့ . . 

"မြေအောက်ခန်း"

အိမ်လေး၏မြေအောက်ခန်း။နေသန်က တံခါးပေါက်မှာရပ်သည်။ထို့နောက်စိတ်လှုပ်ရှားစွာဖြင့်Quအားလှည့်ကြည့်လာသည်။Qu၏အမူအရာကိုမြင်တော့ဒီထဲကိုတစ်ခါမှမဝင်ဖူးမှန်းသိလိုက်ရပြီးဝင်ဖို့မကြိုးစားမှန်းလဲသိလိုက်ရသည်။နေသန်အိမ်ထဲဝင်လာကတည်းကတစ်အိမ်လုံးပတ်ကြည့်ထားတာဖြစ်သည်။ဒီနားရောက်တော့ဝင်ကြည့်ချင်သော်လည်းQuရဲ့privacyအားလေးစားသမှုနှင့်ဝင်မကြည့်ခဲ့ရန်ဆုံးဖြတ်ခဲ့တာဖြစ်သည်။

နေသန်ကားမြေအောက်ခန်းတွေကိုအလွန်အမင်ခုံမင်နှစ်သက်သူတစ်ဦးဖြစ်သည်။သူတို့မြို့လေးမှာမြေအောက်ခန်းရှိတဲ့သူသိပ်မရှိသဖြင့်သွားကာစပ်စု၍လဲမရ။စာအုပ်တွေထဲမှာပဲတွေ့ရတတ်သည်။

ထို့ကြောင့်ဒီမြေအောက်ခန်းကိုတွေ့သည့်အချိန်နေသန်အလွန်အမင်စိတ်လှုပ်ရှားခဲ့သည်။Quခွင့်ပြုချက်ကိုစောင့်အုန်းမည်ဟုတွေး၍သာဝင်မကြည့်ခဲ့တာဖြစ်သည်။ယခုQuလဲရှိပြီဆိုတော့တူတူဝင်ကြည့်ရန်ခေါ်လာခြင်းဖြစ်သည်။

သို့ပင်တည်းQu၏အမူအရာကနေသန့်အားတုံ့ဆိုင်းစေသည်။ထိုမှသာမကသူ၏နှလုံးသားအားလောင်စာဖြည့်လိုက်သလိုတောက်လောင်စေသည်။

"Qu.."

"..."

"အချစ်.."

"ဟင် ဟင် ဟမ် ပြောပြော"

နေသန်က Quအားပြုံးကာ နှစ်သိမ့်သည်။

"မင်းမဝင်ချင်ရင်နေပါစေ"

"မင်းက ဝင်ချင်လို့လား"

"အင်း ငါကလား ငါက အင်းပြောရရင် မြေအောက်ခန်းတွေကိုအစွဲအလမ်းရှိတယ် ဒါပေမဲ့ မင်းနိုးဆို ငါလဲနိုးပဲ"

"ဒါဆို..."

Quကတွေဝေသွားသလိုမတ်မတ်လေးဖြစ်သွားသည်။နေသန်ကမကြည့်ရလဲဖြစ်သည်မို့Quအားအာရုံပြောင်းရန် လက်ကိုဆွဲကာအပြင်ကိုဆွဲခေါ်မည်လုပ်သည်။

"ရတယ် အချစ် သွားမယ် ကိုယ်တို့.."

"ဆင်းကြည့်ကြမယ်"

"ဟမ်"

"မြေအောက်ခန်းထဲကို ငါတို့ဆင်းကြည့်ကြမယ်လို့"

Quကနေသန့်အားဆုံးဖြတ်ချက်ခိုင်မာ၍ပြတ်သားသောမျက်လုံးများဖြင့်မော့ကြည့်ကာဆိုသည်။နေသန်Quအားငေးမောဖြစ်သည်။ဒီကောင်လေး။ဒီကောင်လေးကသူ့ကိုအမြဲတမ်းဤသို့လှည့်စားတတ်သည်ပဲ။တွေဝေစေသည်။မောဟိုက်စေသည်။နောက် ရင်ခုန်စေသည်..။

ဧကန္တ စုန်း၊ကဝေတစ်ယောက်ပေလား။

သင်လေးကအကျွန်ုပ်ပ်အားစုန်းအတတ်နှင့်ညို့ယူနေသလားထင်ရသည်။မည်သို့ပင်ဖြစ်စေအကျွန်တော်ကျရှုံးမိသည်ကတော့ငြင်းမရ။ဒီကောင်လေးအပေါ်ကျရှုံးခြင်းကသူ့အတွက်အဖိုးတန်ဆုံးရတနာတစ်ခုကိုလက်ခံရရှိလိုက်သယောင်ထင်ရ၏။

ကျရှုံးစေ။ကျရှုံးစေတော့။

ငါဆိုတဲ့လူသားမင်းဆီမှာဆိုရင်မလွတ်တမ်းအကြိမ်ကြိမ်အခါခါကျရှုံးစေလေတော့ချစ်သောသူရေ။

နေသန်Quအားနှစ်လိုဖွယ်အကောင်းဆုံးအပြုံးနှင့်ပြုံးကာပြလိုက်သည်။

"အင်း ဒါဆိုတူတူသွားကြမယ်"

Zawgyi

အခန္း (၁၁)

•Mini Mature Scenes mates•

ေနသန္သူ၏လွ်ာအားလႈပ္စိလႈပ္စိျဖင့္ပြင့္ဟကာေနေသာQu၏ပါးစပ္ေပါက္ထဲသို႔ထိုးကာထည့္လိုက္သည္။ေမးေစ့ကိုလက္ႏွင့္အတင္းဆုပ္ကိုင္ထားကာေခါင္းကိုေမာ့ေစထားေသာေနသန႔္ေၾကာင့္Quခမ်ာဇက္ႀကီးကိုလိမ္ကာထားရသည္။စလာကတည္းကQu၏ပါးစပ္အားအားပါးတရစုပ္ယူသုံးစြဲလာတာေၾကာင့္Quလန႔္သြားသလိုေၾကာက္လဲေၾကာက္သြားသည္။

ေနသန္ကQu၏ခႏၶာကိုယ္ကိုအတင္းေပြ႕ဖက္ထားရာမွတစ္ခ်က္ေျမႇာက္ကာမတင္လိုက္ၿပီးသူ၏ကိုယ္ေပၚသို႔ခြကာတက္ေစသည္။Quကလဲသူ႔အားမလိုက္သျဖင့္အေယာင္ေယာင္အမွားမွားျဖင့္ေနသန႔္ခါးအား​ေျခေထာက္ႏွစ္ဖက္ျဖင့္ဖက္ကာခြထားမိလိုက္သည္။

ေနသန္ကသူလိုခ်င္သည့္အတိုင္းQuေျခေထာက္မ်ားၾကမ္းျပင္မွလြတ္သြားသည္ႏွင့္တစ္ၿပိဳင္နက္မီးဖိုေခ်ာင္၏ေဘစင္ေဘးေပၚသို႔သြားကာQuအားညႇင္သာစြာခ်လိုက္သည္။ၿပီးေနာက္သူ၏အနမ္းအရွိန္ကို ႏွစ္ဆျမႇင့္တင္လိုက္ေလသည္။ေခါင္းအား ညာဘက္ယိမ္း၊ဘယ္ဘက္ယိမ္းျဖင့္သူ႔အလိုက်အတိုင္းသာျပဳလုပ္ေစၿပီးQu၏ခံတြင္းတစ္ခုလုံးကိုပိုင္စိုး၍ယူကာထား၏။

Quေၾကာက္သည္။ဘာေတြလုပ္ေနမွန္း မသိသည့္ေနသန႔္ရဲ႕အၾကမ္းပတမ္းပုံစံအားQuမတတ္သာလို႔သာအလိုက္သင့္ေနရသည္။တကယ္တမ္းသူေၾကာက္လြန္း၍တုန္ေတာင္ေနၿပီ။ေနသန႔္လည္ပင္းအားသိုင္းဖက္ထားသလိုျဖစ္ေနေသာသူ၏လက္ေတြကိုေၾကာက္ေၾကာက္ႏွင့္ဖယ္ရွားမည္လုပ္ေတာ့ေနသန္ကလက္တစ္ဖက္ျဖင့္ျပန္ကာသူ႔အားဖက္ထား​ေစသည္။

Quငိုသာငိုခ်လိုက္ခ်င္သည္။သူဘယ္လိုႀကီးျဖစ္ေနမွန္းမသိေတာ့။ခံတြင္းတစ္ခုလုံးကိုနယ္ခ်ဲ႕ကာေနေသာေနသန႔္အားတြန္းကန္ပစ္လိုက္ခ်င္ပါေသာ္လည္းအခ်ည္းႏွီးသာျဖစ္မည္မွန္းသိထား၏။ရွက္သလိုလိုခံစားေနရၿပီး႐ုပ္ပ်က္ဆင္းပ်က္ျဖစ္ေနမွာမွန္းသိတာေၾကာင့္ေနသန႔္ကိုေတာင္မၾကည့္ေတာ့ပဲမ်က္လုံးမ်ားကိုဇြတ္ပိတ္ကာထားလိုက္သည္။

ေနသန္သူလိုခ်င္တာမွန္သမွ်ကိုမလြတ္တမ္းအရယူေနေလ၏။ခ်ိဳၿမိန္ဖြယ္ေကာင္းေသာသူ႔ခ်စ္ရသူေလး၏ခံတြင္းထဲတြင္ သြားရည္တလိလိေတြကအစအရသာရွိလွသည္။သြားစီစီေလးေတြကိုလဲေနသန္လွ်ာႏွင့္အားရပါးရယက္လိုက္ၿပီးတစ္ခါႏႈတ္ခမ္းေလးအားအသံထြက္သည္အထိစုပ္ယူပစ္လိုက္ျပန္၏။

ေနသန္အခုနိဗၺာန္တက္လို႔ရၿပီ။ရွိသမွ်နတ္ဘုရားအေပါင္းတို႔အကြၽန္ေတာ္မ်ိဳးေနသန္ယခုနတ္ျပည္တက္ဆိုလဲတက္လို႔ရၿပီ။ဒီအရသာဒီအထိအေတြ႕၊ဒီခံစားမႈ အာာား . . အကုန္လုံး အကုန္လုံး ဒီေကာင္ေလး၏အရာအားလုံးဟာေနသန႔္အတြက္ယစ္မူးဖြယ္ေကာင္းလြန္းေနသည္။

ေနသန္Qu၏ေမ့ေစ့နားကစီးက်ေနေသာ သြားရည္ေတြကိုမ်က္စိေစြကာၾကည့္လိုက္ရင္းအနမ္းေတြကိုေခတၱရပ္ပစ္လိုက္ကာထိုသြားရည္ၾကည္ၾကည္မ်ားအားလွ်ာႏွင့္လိုက္ယက္ကာေပးလိုက္၏။ထိုအခါမွQuခမ်ာအသက္ရႈခြင့္ရၿပီးအသက္ကိုအေမာတေကာရႉကာေနရရွာ၏။

ေနသန္ကသြားရည္ေတြအားေျပာင္စင္ေအာင္ထိယက္ေလၿပီးမွQuအားေမာ့ၾကည့္လာသည္။Quကလဲေနသန႔္ကိုအၾကည့္မ်က္လုံးခ်င္းဆုံသြားတစ္ခဏေနသန္ကမထိတေရာ့အၿပဳံးျဖင့္ၿပဳံးျပသည္။Quရွက္ပါသည္။ဘာမေျပာညာမေျပာႏွင့္ ေကာက္ကာပါးစပ္ကိုစုပ္လိုက္၊မ်ိဳလိုက္လုပ္ေနၿပီးသားရဲတစ္ေကာင္လိုQuအားစားသုံးေနသည္မွာရွက္စရာဟုတ္၊မဟုတ္မသိေသာ္လည္းQuရွက္လွသည္။

ေနသန္ကQuရွက္ၿပီးေခါင္းကိုေဘးဘက္သို႔ေစာင္းကာသြားေသာေၾကာင့္ခပ္ဟဟတစ္ခ်က္ရယ္လိုက္သည္။Quက သူ၏ပါးစပ္ရွိသြားရည္မ်ားကိုလက္ဖမိုးႏွင့္သုတ္သည္။ေနသန္ကခုထိသူလုပ္ေနသမွ်ကိုလိုက္ၾကည့္ေနဆဲ။Quကရွက္ေတာ့မေနေတာ့ပါေသာ္လည္းသူ႔အားေတာက္ေလွ်ာက္စိုက္ၾကည့္ကာေနေသာေနသန႔္ေၾကာင့္နည္းနည္းေတာ့အေနရခက္လာ၏။

"အရမ္းႀကီး ၾကည့္မေန.."

ကြၽတ္!!ကြၽတ္!ကြၽတ္!

တစ္ေယာက္ေယာက္မုန႔္စားေနေသာအသံျဖစ္သည္။Quနားမလည္သလိုၾကည့္လိုက္သည္။ေနသန္ကလည္းQuအၾကည့္အားနားလည္သလိုQuအားျပန္ကာၾကည့္သည္။ၿပီးမွႏွစ္ေယာက္သားမ်က္လုံးေတြျပဴးက်ယ္သြားကာေဘးနားတြင္ထိုင္ကာေအးေအးေဆးေဆးမုန႔္စားေနေသာလီယြန႔္အားလွည့္ၾကည့္လိုက္၏။

လီယြန္ကသူတို႔ေနာက္လိုက္လာသည္ ျဖစ္ၿပီးေဘစင္ေဘးတြင္ရွိေနျခင္းျဖစ္သည္။လက္ထဲကမုန႔္ဗူးေတာင္တဝက္က်ိဳးေနၿပီျဖစ္ၿပီးလီယြန႔္၏ၿပဳံးစိစိလူယုတ္မာအၿပဳံးႀကီးကQuပင္မကခုနကတရစပ္အၾကမ္းပတမ္းျဖင့္လုပ္ခ်င္တာလုပ္ေနေသာေနသန္ေတာင္ၾကက္သီးထေစသြား၏။

လီယြန္ကသူ႔ကိုသတိရကာသြားၿပီျဖစ္ေသာေရွ႕ကႏွစ္ေယာက္ကိုေက်းဇူးတင္အသိမွတ္ျပဳသလိုခပ္႐ြဲ႕႐ြဲ႕ေခါင္းငုံ႔ကာဦးၫႊတ္ျပသည္။

"ေက်းဇူးပါ သတိရေပးေသးလို႔မဟုတ္ရင္ ငါကအိပ္ယာထဲထိလိုက္ရေတာ့မယ္ထင္ေနတာ"

"မင္း မင္း တစ္ခ်ိန္လုံးလိုက္ၾကည့္ေနတာလား"

Quကတုန္တုန္ယင္ယင္ႏွင့္ေမးသည္။ေနသန္ကQuအားၾကည့္လာၿပီးလီယြန႔္အားျပန္ၾကည့္သည္။ထို႔ေနာက္သူလဲေမးလာ၏။

"ငါQuကိုလုပ္ခ်င္တိုင္းလုပ္ေနတာကို

မင္းကမုန႔္စားၿပီးထိုင္ၾကည့္ေနတာလား"

"နိတ္..."

ေနသန႔္၏စကားေၾကာင့္Quကရွက္သြားၿပီး ေနသန္၏ပုခုံးအားတစ္ခ်က္ခပ္နာနာ႐ိုက္ရင္းသူ၏နာမည္အားခြၽဲ႕ႏြဲ႕ကာအသံရွည္ဆြဲေခၚလိုက္သည္။ေနသန္ကေဘစင္ေပၚတင္ထားတဲ့သူ႔လက္ေတြကိုေလေပၚသို႔ေျမႇာက္လိုက္ရင္းQuအားေျဖရွင္းခ်က္ေပးသည္။

"ငါက ျဖစ္ခဲ့တဲ့အတိုင္းေျပာတာပါ ေဆာရီး ေဆာရီး မဟုတ္လို႔လား"

"မဟုတ္ဘူးေလ အင္း ဟုတ္ရင္ဟုတ္

အာ ဟုတ္ရင္ေတာင္ အဲ့လိုႀကီးတိုက္႐ိုက္မေျပာနဲ႔ေလ"

"ဒါဆို ဟုတ္တာေတာ့ဝန္ခံတယ္ေပါ့"

"...."

"...."

"မသိဘူး.."

Quကေနသန႔္အားစကားဗိုလ္လုေနရာမွ ေနသန္၏မ်က္ခုံးပင့္အေမးကိုခပ္ေဖ်ာ့ေဖ်ာ့ေျဖလိုက္သည္။ေနသန္ကဒီတစ္ခါေတာ့ခပ္က်ယ္က်ယ္ရယ္လိုက္သည္။ထို႔ေနာက္Qu၏ပါးျပင္ေဖြးေဖြးေလးထက္သို႔သူ႔၏ႏွာေခါင္းေတြကိုဖိျမႇဳပ္ပစ္လိုက္သည္။ေနာက္တြင္တစ္ခ်က္ခပ္ဖြဖြႏႈတ္ခမ္းအားထိ႐ုံသာနမ္းလိုက္ကာၿပဳံးရင္းစကားဆိုသည္။

"အခ်စ္က ရွက္တတ္သားပဲ"

"...အင္း.."

ေနသန္၏အေျပာကို Quကဝန္ခံသလိုလို မဟုတ္သလိုလိုႏွင့္ခ်ဳပ္လိုက္သည္။လီယြန္မုန႔္ဗူးအားဆြဲကာကုတ္ခ်င္ေတာ့သည္။သူ႔ကိုေမ့သြားျပန္ၿပီ။

ငါ*ိုးမသားေတြ။

ဒီေဖ*ိုးမ သားေတြ။

ငါ့ကိုမျမင္ႏိုင္ေလာက္တဲ့

အထိျဖစ္ပ်က္ေနၾကတာ။ငါ *ိုး...မ..။

"လီယြန္"

"...(ဆဲဆိုေန)"

"လီယြန႔္..!!"

ဒုတိယအခါမွေခါင္းေမာ့ကာလာေလသာ 

လီယြန႔္အားQuမ်က္ေမွာင္ကုတ္ကာေမးလိုက္သည္။

"ဘာေတြေတြးေနလို႔ ငါေခၚတာမၾကားရတာလဲ ၿပီးေတာ့ ေဟး အဲ့မုန႔္ေျခာက္ဗူးကငါကိုယ္တိုင္လုပ္ထားတာေနာ္ ေအး ထိလို႔ကေတာ့မင္းနဲ႔ငါနဲ႔ထဲကတစ္ေယာက္ေယာက္ေတာ့ၿမိဳ႕ထဲသြားရလိမ့္မယ္ အိုး! ေျပာတာပဲ ၾကည့္ အခုပဲတစ္ဝက္က်ိဳးသြားၿပီ.."

Quခပ္ရွည္ရွည္စကားႏွင့္လီယြန႔္အားေငါက္လိုက္သည္။လီယြန္ကဟြန႔္ဟုတစ္ခ်က္ျပဳကာသြားၿပီးမုန႔္ေျခာက္ဗူးအားေဘးသို႔ဖယ္သြားကာေအာက္သို႔ခုန္ဆင္းလိုက္သည္။ၿပီးမွေနသန႔္အားတစ္ခ်က္ေနာက္လွည့္ကာစူးစူးစိုက္စိုက္ျဖင့္သုံးစကၠန႔္ေလာက္အၾကည့္ေပးသြားသည္။ၿပီးမွ ဘာမွမျဖစ္သလိုႏွင့္တံခါးကိုကိုယ္တိုင္တြန္းဖြင့္ၿပီးအိမ္ေလးထဲမွေအးေဆးစြာထြက္သြားေလေတာ့သည္။

လီယြန္ထြက္သြားၿပီးေနာက္ေနသန္ကQuအားစကားဆိုလာသည္။

"အဲ့ေကာင္ ငါ့ကိုwarningေပးသြားတာ"

"ဘယ္လို"

Quေနသန႔္စကားကိုနားမလည္၍ေမးလိုက္သည္။ေနသန္ကအျပင္ဘက္ရွိလီယြန္အားထြက္သြားသည္ကိုလွန္းၾကည့္ေနရာမွသူ႔ဆီျပန္ကာလွည့္လိုက္ၿပီးၿပဳံးရင္းဆိုသည္။

"မင္းကိုငါ့ဆီအပ္သြားၿပီ Qu မင္းေၾကာင္က မင္းကိုငါ့ဆီေရာင္းစားလိုက္ၿပီ"

"ဘာာ!!"

"မင္းက ကိုယ့္အပိုင္ျဖစ္သြားၿပီ"

"ဟမ္???"

"ေနာက္ေန႔က်မွ မင္းမိဘေတြဆီခြင့္ေတာင္းၾကတာေပါ့ အခုေတာ့ လာ .. လိုက္ခဲ့အုန္း"

ေနသန္ကQuအားေဘစင္ေပၚမွမကာခ်ေပးလိုက္ၿပီးသူ၏လက္ကိုကမ္းေပးလိုက္သည္။Quေၾကာင္ေတာင္ေတာင္ေလးႏွင့္ပင္သူ၏လက္အားျပန္ကာကမ္းေပးလိုက္ၿပီးေနသန႔္ေနာက္ပါသြားသည္။ေနသန္ကအိမ္ေလးအတြင္းသို႔ဝင္သြားသည္။

Qu၏အိမ္ေလးသည္က်ဥ္းလွသည္။ေရွ႕တြင္Quနားေနက်ဆိုဖာႀကီးႏွင့္လီယြန႔္အတြက္ေနရာ၊ေဘးတြင္မီးဖိုခန္း၊အဆုံးသို႔ဝင္သြားပါလွ်င္သူ၏စာၾကည့္ခန္းအေပၚထပ္ထပ္ခိုးေလးတြင္မူသူ၏အိပ္ခန္း။ယခုမူ ေနသန္ကသူ၏စာၾကည့္ခန္းကိုေက်ာ္လြန္ကာအတြင္းထဲသို႔ဝင္သြားေနသည္။

ဪ..ေမ့ေနတာ..။

Quေရွာင္သည္ကလူေတြခ်ည္းပဲမဟုတ္။

ေနာက္တစ္ခုရွိေသးသည္။လူေတြလိုပင္ သူ႔အားအႏၲရာယ္သင့္ေစတဲ့အရာတစ္ခု..ထိုဟာကေတာ့ . . 

"ေျမေအာက္ခန္း"

အိမ္ေလး၏ေျမေအာက္ခန္း။ေနသန္က တံခါးေပါက္မွာရပ္သည္။ထို႔ေနာက္စိတ္လႈပ္ရွားစြာျဖင့္Quအားလွည့္ၾကည့္လာသည္။Qu၏အမူအရာကိုျမင္ေတာ့ဒီထဲကိုတစ္ခါမွမဝင္ဖူးမွန္းသိလိုက္ရၿပီးဝင္ဖို႔မႀကိဳးစားမွန္းလဲသိလိုက္ရသည္။ေနသန္အိမ္ထဲဝင္လာကတည္းကတစ္အိမ္လုံးပတ္ၾကည့္ထားတာျဖစ္သည္။ဒီနားေရာက္ေတာ့ဝင္ၾကည့္ခ်င္ေသာ္လည္းQuရဲ႕privacyအားေလးစားသမႈႏွင့္ဝင္မၾကည့္ခဲ့ရန္ဆုံးျဖတ္ခဲ့တာျဖစ္သည္။

ေနသန္ကားေျမေအာက္ခန္းေတြကိုအလြန္အမင္ခုံမင္ႏွစ္သက္သူတစ္ဦးျဖစ္သည္။သူတို႔ၿမိဳ႕ေလးမွာေျမေအာက္ခန္းရွိတဲ့သူသိပ္မရွိသျဖင့္သြားကာစပ္စု၍လဲမရ။စာအုပ္ေတြထဲမွာပဲေတြ႕ရတတ္သည္။

ထို႔ေၾကာင့္ဒီေျမေအာက္ခန္းကိုေတြ႕သည့္အခ်ိန္ေနသန္အလြန္အမင္စိတ္လႈပ္ရွားခဲ့သည္။Quခြင့္ျပဳခ်က္ကိုေစာင့္အုန္းမည္ဟုေတြး၍သာဝင္မၾကည့္ခဲ့တာျဖစ္သည္။ယခုQuလဲရွိၿပီဆိုေတာ့တူတူဝင္ၾကည့္ရန္ေခၚလာျခင္းျဖစ္သည္။

သို႔ပင္တည္းQu၏အမူအရာကေနသန႔္အားတုံ႔ဆိုင္းေစသည္။ထိုမွသာမကသူ၏ႏွလုံးသားအားေလာင္စာျဖည့္လိုက္သလိုေတာက္ေလာင္ေစသည္။

"Qu.."

"..."

"အခ်စ္.."

"ဟင္ ဟင္ ဟမ္ ေျပာေျပာ"

ေနသန္က Quအားၿပဳံးကာ ႏွစ္သိမ့္သည္။

"မင္းမဝင္ခ်င္ရင္ေနပါေစ"

"မင္းက ဝင္ခ်င္လို႔လား"

"အင္း ငါကလား ငါက အင္းေျပာရရင္ ေျမေအာက္ခန္းေတြကိုအစြဲအလမ္းရွိတယ္ ဒါေပမဲ့ မင္းႏိုးဆို ငါလဲႏိုးပဲ"

"ဒါဆို..."

Quကေတြေဝသြားသလိုမတ္မတ္ေလးျဖစ္သြားသည္။ေနသန္ကမၾကည့္ရလဲျဖစ္သည္မို႔Quအားအာ႐ုံေျပာင္းရန္ လက္ကိုဆြဲကာအျပင္ကိုဆြဲေခၚမည္လုပ္သည္။

"ရတယ္ အခ်စ္ သြားမယ္ ကိုယ္တို႔.."

"ဆင္းၾကည့္ၾကမယ္"

"ဟမ္"

"ေျမေအာက္ခန္းထဲကို ငါတို႔ဆင္းၾကည့္ၾကမယ္လို႔"

Quကေနသန႔္အားဆုံးျဖတ္ခ်က္ခိုင္မာ၍ျပတ္သားေသာမ်က္လုံးမ်ားျဖင့္ေမာ့ၾကည့္ကာဆိုသည္။ေနသန္Quအားေငးေမာျဖစ္သည္။ဒီေကာင္ေလး။ဒီေကာင္ေလးကသူ႔ကိုအၿမဲတမ္းဤသို႔လွည့္စားတတ္သည္ပဲ။ေတြေဝေစသည္။ေမာဟိုက္ေစသည္။ေနာက္ ရင္ခုန္ေစသည္..။

ဧကႏၲ စုန္း၊ကေဝတစ္ေယာက္ေပလား။

သင္ေလးကအကြၽႏ္ုပ္ပ္အားစုန္းအတတ္ႏွင့္ညိဳ႕ယူေနသလားထင္ရသည္။မည္သို႔ပင္ျဖစ္ေစအကြၽန္ေတာ္က်ရႈံးမိသည္ကေတာ့ျငင္းမရ။ဒီေကာင္ေလးအေပၚက်ရႈံးျခင္းကသူ႔အတြက္အဖိုးတန္ဆုံးရတနာတစ္ခုကိုလက္ခံရရွိလိုက္သေယာင္ထင္ရ၏။

က်ရႈံးေစ။က်ရႈံးေစေတာ့။

ငါဆိုတဲ့လူသားမင္းဆီမွာဆိုရင္မလြတ္တမ္းအႀကိမ္ႀကိမ္အခါခါက်ရႈံးေစေလေတာ့ခ်စ္ေသာသူေရ။

ေနသန္Quအားႏွစ္လိုဖြယ္အေကာင္းဆုံးအၿပဳံးႏွင့္ၿပဳံးကာျပလိုက္သည္။

"အင္း ဒါဆိုတူတူသြားၾကမယ္"