A Sweven Elegy from Nature - Chapter (15)
Unicode
အခန်း (၁၅)
လွတ်လပ်နယ်မြေမှGiethoornမြို့ထဲသို့ဝင်ရောက်သည့်တံတားကိုအေးဆေးစွာဖြတ်ကူးသွားတဲ့နေသန်နှင့်လီယွန့်ကိုQuတုံဏှိဘာဝေဖြင့်လိုက်ကြည့်နေမိသည်။တစ်ဖက်သို့ရောက်သွားပြီးQuလိုက်မလာသဖြင့်နေသန်ပြန်လှည့်ကြည့်လာသည်အထိQuတွေဝေနေတုန်းပါပဲ။
လီယွန်ကနေသန့်ကိုမော့ကြည့်သည်။
နေသန်ကလဲလီယွန့်အားအဓိပ္ပာယ်ပါပါဖြင့်ကြည့်သည်။ထို့နောက်နှစ်ယောက်သားတစ်ပြိုင်နက်Quအားကြည့်လာသည်။Quနှုတ်ခမ်းလေးတွေဟစိဟစိနှင့်တုန်ရီလို့နေသည်။
အသက်ကိုခပ်ပြင်းပြင်းရှုနေရသည်မှာရင်ပင်မောဟိုက်လှသည်။သူ့အနေနှင့်ဤအရာကိုဆောင်ရွက်သည်ကသေလမ်းနှင့်တောင်တူနေပါရော့လား။Quမျက်စိတွေကိုမှိတ်လိုက်ပြီးတံတားပေါ်သို့ခြေလှမ်းပစ်လိုက်သည်။
တစ်ချက်ချင်းဆီလှမ်းရင်းငြိမ့်ငြောင်းစွာစီးဆင်းနေတဲ့ရေအသွင်တွေကိုစိတ်ထဲမှတ်ကာနားထောင်နေလိုက်သည်။
ကို့ယို့ကားယားစမ်းတဝါးဝါးလက်လေးတွေဟာနေသန့်၏လက်ဖဝါးကြီးကြီးတစ်ဖက်ကိုဆုပ်ကိုင်မိသွားမှငြိမ်ကျလို့သွားတော့သည်။Quမျက်လုံးတွေဖွင့်ကြည့်လိုက်၏။ထို့နောက်နှစ်နှစ်ခြိုက်ခြိုက်ပြုံးပြလိုက်မိ၏။
Quမြို့ထဲသို့စတင်ခြေလှမ်းပြီ။
နေသန်ကပြုံးကာကြည့်ရင်းခေါင်းငြိမ့်ပြသည်။ပြီးမှ 'သွားစို့' ဟုဆိုကာရှေ့ကနေဦးဆောင်သွားသည်။လီယွန်ကနေသန်ဦးတည်နေရာကိုသိသလိုမျိုးဘေးနားကနေ တစ်လှမ်းသာ၍လိုက်လာသည်။
Giethoornမြို့တွင်လမ်းဟူ၍မရှိပါ။
Quတို့သည်မြို့ဝင်တံတားကိုဖြတ်ကျော်ပြီးနောက်တော်တော်လှမ်းသည်အထိလျှောက်ရပြီးမှအိမ်တစ်အိမ်ဆီရောက်သည်။ထိုအိမ်သည်မြို့၏လက်ဝဲဘက်ထိပ်စွန်းအိမ်ဖြစ်ပြီးနေသန်တို့စံအိမ်ကြီးမှာမူ ယာဘက်ထိပ်စွန်းတွင်တည်ရှိသည်။
ထိုလက်ဝဲဘက်စွန်းအိမ်မှတစ်ဆင့်ရေကြောင်းကမြို့အဝင်သို့စီးဆင်းသည်။နေသန်Quအားလှေပေါ်သို့တက်ရန် လက်ကမ်းပေးလိုက်သည်။
လီယွန်ကတော့Quမတက်ခင်ကတည်းက လှေဘောင်နားလေးဝင်ထိုင်လေသည်။Quနေသန့်အားလက်ပြန်ကမ်းပေးလိုက်ရင်းရင်တလှပ်လှပ်နှင့်လှေပေါ်သို့တက်လိုက်သည်။နေသန်ကQuအားသေချာနေရာချပေးပြီးမှအထုတ်တွေကိုတင်ကာလှေအားစတင်လှော်ခတ်တော့သည်။
အချိန်ကညနေစောင်း။
လူအလျှိုလျှိုဟာကိုယ့်ခြံ၊ကိုယ့်အိမ်လေးထဲတွင်အေးချမ်းစွာရှိနေကြပြီးမြို့လေးကတော့ထုံစံအတိုင်းတိတ်ဆိတ်လို့နေသည်။သီယာ့၏အိမ်သည်မြို့၏အလယ်ခေါင်တွင်တည်ရှိသည်။သူQuကိုသူတို့စံအိမ်သို့ခေါ်လို့မဖြစ်။ထို့ကြောင့်သီယာ့ကိုသာအကူအညီတောင်းရန်ဆုံးဖြတ်ထားသည်။ဒါကိုလီယွန်လဲရိပ်မိသည်။
လှေလေးဟာတရွေ့ရွေ့နှင့် စင်သီယာဂျိုးနပ်စ်မော့ဂ် အိမ်ဆီသို့ဦးတည်နေသည်။Quကတည်ငြိမ်စွာစီဆင်းနေတဲ့ရေစီးကြောင်းအားငုံ့ကြည့်ရင်းရေထဲမှာပေါ်နေတဲ့ကိုယ့်ပုံရိပ်ကိုယ်ငေးမော၍ကြည့်ကာလိုက်ပါလို့လာသည်။နေသန်ကရေစီးကြောင်းကို သီယာ့အိမ်ဘေးသို့တည့်မတ်စွာချိန်လိုက်ပြီးလှော်တက်တွေကိုသိမ်းလိုက်သည်။
Qu၏ညှိုးငယ်နေသောမျက်နှာကိုမြင်ရတော့နေသန်စိတ်ပူရသည်။သူခေါ်လာတာဖြစ်သဖြင့်သူတာဝန်ယူရပါမည်။မဟုတ်သေး။သူခေါ်လာတာသူ့ဘဝရဲ့အမြတ်နိုးဆုံးအရာလေးကိုခေါ်လာတာဖြစ်သည်။ထို့ကြောင့်ပိုကာစိတ်ပူရ၍တာဝန်ကားအပြည့်အဝယူရမည်။လိုလျှင်လူကိုပါ သိမ်းစေချင်သေးသည်။
Quကလှေလေးအရှိန်လျော့လာတာမြင်တော့နေသန့်အားမော့ကြည့်သည်။သူ့ကိုတစ်ချိန်လုံးစိုက်ကြည့်နေတဲ့နေသန့်ကိုမြင်လိုက်တော့Quပြုံးရင်းမျက်ဝန်းတွေကိုဘေးသို့လွှဲကြည့်လိုက်သည်။နေသန့်အတွက်တော့Quဟာသူစိတ်ခွန်အားလိုတိုင်း အားဖြည့်ဖို့သူ့ရဲ့မရှိမဖြစ် 'ဘက်ထရီခြာဂျာ' လေးတစ်ခုဖြစ်သည်။ပြီးတော့နေသန်ထို 'ခြာဂျာ(charger)' လေးကိုမြတ်နိုးပါ၏။
နေသန်Quမျက်နှာတမင်လွှဲသွားသည်ကိုတစ်ချက်မခိုးမခန့်ရယ်လိုက်ပါသည်။ထို့နောက်ခေါင်းလေးလျှိုကာမျက်လုံးလေးများနှင့်နေသန့်အားကြည့်နေသည့်ညှိုးငယ်နေတဲ့Quမျက်နှာလေးကိုနေသန်အသာအယာမထိရက်မကိုင်ရက်ကြွေကျမှာစိုးသလိုမျိုးတွန့်ဆုတ်နေပြီးမှရဲရဲထိကိုင်လိုက်သည်။
နွေးသွားတဲ့လက်နှင့်အတူပိုကာခေါင်းလျှိုသွားပေတဲ့Quကြောင့်နေသန်သူ့ခေါင်းလေးကိုအသာအယာတောက်ခနဲခေါက်လိုက်သည်။Quကအံ့ဩတကြီးမော့ကာကြည့်သည်။မနာပေမယ့်လည်းသတ်သတ်ကြီးလာခေါက်တာဖြစ်တာကြောင့် အံ့ဩသွားရသည်။
"ဘာလုပ်တာလဲ"
"အသဲယားလာလို့"
"အသဲယားလာရင်အဲ့လိုခေါက်ရတယ်လို့
ဘယ်အတွေးအခေါ်ပညာရှင်ကမိန့်ကြားခဲ့လို့လဲ"
Quဒီတစ်ခါခပ်စွာစွာနှင့်နေသန့်အားဟစ်လိုက်သည်။နေသန်ကထိုအခါမှပို၍အူးမြူးကာထကာရယ်တော့သည်။နေသန်သည်Qu၏ထိုစွာစိလန်ပုံစံအားအရမ်းသဘောကျပါသည်။ဘယ်လိုနေနေသဘောကျသည်ကြီးဖြစ်သော်လည်းဒီလိုကွတိကွတနှင့်ပြောနေသည့်ပါးစပ်လေးကိုနေသန် အလွန်စွဲလမ်းမိပါ၍သူ့အားရန်ထောင်လာလျှင်အတင်းဆွဲကာနမ်းရှိုက်ပစ်ချင်မိသည်။
ထိုအချိန်သူတို့ရပ်နေတဲ့အိမ်မှတံခါးဟာပွင့်လစ်လို့လာသည်။လီယွန်ကတံခါးဖွင့်ပြီးထွက်လာတဲ့လူကိုမြင်တော့ခြံဝင်းထဲသို့ဆင်းလိုက်ပါ၏။ထို့နောက်သီယာ့အားတစ်ချက်အကြည့်ပို့သွားပြီးဖွင့်ထားသည့်တံခါးမှတစ်ဆင့်အိမ်ထဲသို့အရင်ဝင်သွားသည်။
တစ်ယောက်နှင့်တစ်ယောက်ကလူကျီဆယ်နေကြတဲ့Quနှင့်နေသန်သည်သူတို့ရှေ့တွင်လာရပ်နေသည့်စင်သီယာ့အားမမြင်သေး။စင်သီယာခါးကိုထောက်ကာသူတို့အားကြည့်နေသည်။
ပထမတော့ရိုးရိုးနေသန့်အားထုံစံအတိုင်းစနောက်ရန်ကြည့်တာဖြစ်သည်။နောက်တော့နှစ်ယောက်လုံး၏မျက်ဝန်းတွေထဲမှအချစ်အခိုးအငွေ့တွေကိုတွေ့လိုက်ရလို့အံ့ဩလျက်ပျော်ရွှင်စွာဖြင့်အနှီးလူနှစ်ယောက်ကိုခါးထောက်ကြည့်နေခြင်းဖြစ်သည်။
"Having Fun,Idiots(3idiotsထဲမှနောက်ဆုံးခန်းတွင်ချာတူးပြောခဲ့သည့်စကား)"
စင်သီယာ၏အသံစူးစူးကထုံစံမပျက်ခပ်စူးစူးလေးထွက်လို့လာသည်။Quကလန့်လို့သွားပြီးနေသန်ကစင်သီယာ့အားမြင်တော့ပြုံးကာနှုတ်ဆက်သည်။
"သီယား.."
"ဘာအခုမှသီယာလဲ နင့်အမေနှင့်အဖွားတို့ငါ့အိမ်မှာနင့်ဖွက်ထားလားလို့လာလာကြည့်တာ ဘယ်နှစ်ကြိမ်ရှိနေပြီလဲတောင်မသိတော့ဘူး"
"ဟမ်?သီယာက ကျွန်တော့်ဖွက်ပြီးဘာလုပ်မှာလဲ"
"အေးလေ ငါလဲအဲ့တာပြောတာ နင်ကမိန်းကလေးဆိုတစ်မျိုးပေါ့ အခုဟာက ဟာ ပြောမှရှုပ်ကုန်ပြီ လာ..အထဲဝင်ခဲ့လေ ညဆိုအပြင်ကစိမ့်ပေ့တယ်.."
ထိုသို့ပြောကာစင်သီယာကကြောက်ကာနေသောQuအားတစ်ချက်မာထန်ထန်ကြည့်လိုက်သည်။Quခေါင်းလေးကြုံ့ဝင်သွားသည်။နေသန်ကတော့အသာကြည့်သည်။
ကို့ရိုးကားယားအခြေအနေကြီးဖြစ်နေမှာဆိုး၍နေသန်တစ်ချက်ချောင်းဟန့်ပေးလိုက်သည်။ထိုအခါမှQuကနေသန့်ကိုလှမ်းကြည့်သည်။နေသန်က 'လာလေ အထဲဝင်မယ်' လို့နှုတ်ကတီးတိုးဆိုသည်။သို့သော်Quမဝင်ရဲသေး။ရှေ့မှ အကြည့်မပျက်သေးသော သီယာ့အားကြောက်ပါသည်။
"သီ..သီယာ..ကျွန်..ကျွန်တော်"
"နင့်ကိုဘယ်သူကငါ့ကိုသီယာလို့ခေါ်ခွင့်ပြုလို့လဲ"
Quတစ်ချက်တုန်သွားပြန်သည်။ထို့နောက် ခေါင်းလေးငုံ့ကာတောင်းပန်ပြန်သည်။
"တောင်းပန်ပါတယ် မဒမ်စင်သီယာ"
နေသန်ကစင်သီယာသက်သက်လုပ်နေမှန်းသိသည်။ဒါကြောင့်ငြိမ်ကာကြည့်နေခြင်း။ဒါကိုQuကမသိကြောက်လွန်းလို့တုန်တောင်နေပြီ။သူ့အနေနဲ့နေသန်ကလွဲပြီးဘယ် 'လူ' နှင့်မှစကားပြောဖူးတာမဟုတ်။ထိတွေ့ဆက်ဆံဖူးတာမဟုတ်။အခုစကားပြောဖြစ်လာတော့လဲသူ့အားမနှစ်မြို့သူဖြစ်နေသည်ဟုထင်နေသည်။Quမကြောက်ဘဲဘယ်နေမှာလဲ။
"တော်တော့ သီယာ သူကြောက်နေပြီ သူနင့်ကြောင့်တစ်ခုခုဖြစ်သွားရင် ငါနင့်လဲထည့်တွက်မှာမဟုတ်ဘူးနော်"
နေသန်ကစိတ်ထဲရှိတဲ့အတိုင်းရိုးရိုးရှင်းရှင်းပြောလိုက်တာဖြစ်သည်။ထိတ်လန့်ကာအံ့ဩသွားရသည်ကQuနှင့်သီယာ။
Quကတော့အနည်းငယ်ရှိန်းတိန်းတိန်းဖြင့်ရှက်လို့သွားကာအနည်းငယ်လန့်သွားမိပြီးသီယာကတော့ဖြင့်ကြက်သီးပင်ထမိလိုက်သည်ထင်၏။
ဒီကောင်သာတကယ်လုပ်ရင်ဘယ်သူမှပြေးလွှတ်မည်မဟုတ်မှန်းသိီယာသိပါသည်။ထို့နောက်သီယာQuအားကြည့်လိုက်သည်။ဒီကောင်လေးဒီဖြူဖြူသွယ်သွယ်နှင့်ကောင်လေးကနေသန့်နှလုံးသားကိုသိမ်းယူသွားသည်တဲ့လား။စင်သီယာအံ့ဩသထက်အံ့ဩမိပါသည်။
ဒီကောင်လေးမှာမိန်းကလေးတွေလိုစွဲမက်ဖွယ်ရာတွေလဲမရှိနေ။ဒီတိုင်းသဏ္ဍာန်တူသူ့အတိုင်းပင်ရှိသောယောက်ျားလေးတစ်ယောက်သာဖြစ်သည်။သို့သော်လှပကြံ့ခိုင်ကာသေသပ်ပီရိမှုနှင့်အတူရဲရင့်ခြင်းအရိပ်အယောင်ရှိသောယောင်္ကျားသားတစ်ဦး။Quသူ့ကိုစိုက်ကြည့်နေသောစင်သီယာ့အားပြန်ကြည့်လိုက်ပါသည်။စင်သီယာကလဲသူမအတွေးတွေကြားမှသူမအားပြန်ကာစိုက်ကြည့်လာသောကောင်လေး၏မျက်ဝန်းတွေကြောင့်မျက်ခုံးတွေပင့်တက်သွားရသည်။
"ဆိုတော့ .. မင်းကဘယ်သူလဲ?ငါ့မောင်နဲ့ဘာလာလုပ်တာလဲ?သူငယ်ချင်းလား??နာမည်ကဘယ်သူလဲ?မိဘတွေကကော?နေတော့ဘယ်မှာနေသလဲ?"
စင်သီယာ၏အေးစက်စက်မေးခွန်းတွေကိုကြားတော့နေသန်စိတ်ထဲတွင်ဤသွေးအေးတိုက်ပွဲသည်အချိန်တစ်ခုကြာသည်ထိပြီးမည်မဟုတ်ဟုကောက်ချက်ချလိုက်သည်။သို့သော်နေသန့်အတွေးတွေအားလုံးQuထံမှပြန်လည်တုံပြန်လာတဲ့စကားတွေအောက်မှာပြာကျလို့သွားသည်။
"ကျွန်တော်ကQu နေသန်နဲ့ခဏလိုက်လာတာသူငယ်ချင်းမဟုတ်ဘူး ကျွန်တော်ကသူ့အပိုင် မိဘတွေမရှိဘူး စောင့်ရှောက်ပေးခဲ့တဲ့မိဘတွေလဲပဲမရှိတော့ဘူး လွတ်လပ်နယ်မြေမှာတစ်ယောက်ထဲနေတယ် ဆိုတော့ ဘာသိချင်သေးပါသလဲ"
စင်သီယာအံ့ဩသွားပြီးပါးစပ်ကိုဟလိုက်မိသည်။ဒီကောင်လေး၏ဇကကြမ်းလိမ့်မည်ဟုတော့ခန့်မှန်းထားမိပေမဲ့ဒီလောက်အမြန်မြန်ပေါ်လိမ့်မည်ဟုမထင်ထား။စင်သီယာပြုံးလိုက်သည်။ထို့နောက်ခေါင်းလေးတငြိမ့်ငြိမ့်ဖြင့်နေသန်သူ၏အပိုင်လေးအားမယုံကြည်နိုင်သောအကြည့်တွေနှင့်ကြည့်နေသည်ကိုပြုံးရင်းပုခုံးပုတ်ကာပြီးမှQuအားပြုံးကြည့်ရင်းဆိုလိုက်သည်။
"ကဲ..နေသန် ထလင်းနော့တ်ရဲ့အပိုင်လေးရေ သီယာ့အိမ်ထဲဝင်ကြစို့လား?"
Comments
Post a Comment