A Sweven Elegy from Nature - Chapter (22)
Unicode
အခန်း (၂၂)
"..."
သုံးယောက်သားမလှုပ်မယှက်တစ်ယောက်ကိုယ်တစ်ယောက်အပြိုင်အဆိုင်ကြည့်နေကြသည်မှာမည်သူကဦးကာစကားစပြောမည်လဲဆိုတာကိုစောင့်နေကြသည့်အလား။လီယွန်ကသူ၏မည်းကာနက်မှောင်လို့နေတဲ့မျက်ဆန်များကိုပြူးကာကြည့်ရင်းအမွှေးများထောင်ကာနေရာအတိုင်းရပ်လို့နေ၏။
Quကသူ့လက်ထဲမှာပိုက်ထားတဲ့ခုနကသူတို့ထိုင်ဖို့ခင်းခဲ့သည့်အခင်းပါးကိုရုတ်တရက်ဖြည်ချလိုက်မိသည်။ဖျာအလိပ်လိုက်ကြီးအရှည်လိုက်လီယွန့်အနီးအနားအထိသို့တန်းကာရောက်သွားသည်ကိုသုံးယောက်သားမျက်လုံးအပြူးသားဖြင့်ကြည့်ရင်း။နောက်ဆုံးအခင်းပါးအလိပ် ပြယ်သွားတာရပ်လို့သွားမှလီယွန်နှင့်နေသန်ကQuအားမော့ကြည့်လာသည်။
Quသွားလေးဖြဲပြလိုက်သည်။
နေသန်ကခေါင်းခါသည်။
"ကဲ..ကောင်းသောပြန်လည်တွေ့ဆုံမှုလေးပဲ အရမ်းကောင်းတာပဲ perfect! လီယွန်မင်းနဲ့ငါနဲ့ကရှင်းစရာရှိသေးတယ် လိုက်ခဲ့ Quဒါတွေသိမ်းထား ရော့"
နေသန်ကရွဲ့ပြောရင်းပြောကာသူ့လက်ထဲမှပစ္စည်းပစ္စယတွေကိုQuလက်ထဲသို့ထိုးပေးလိုက်ရင်းလီယွန့်အားမျက်စပစ်ကာခေါ်သွားသည်။Quချက်ချင်းပင်ပြယ်နေတဲ့ ဖျာလိပ်ကိုလုံးလုံးလုံးလုံးဖြင့်ခေါက်သိမ်းလိုက်ကာနေသန်တို့သွားတဲ့ဘက်ကိုခိုးကာကြည့်လိုက်သည်။
နှစ်ယောက်သားမှာတစ်ယောက်ကိုယ်တစ်ယောက်ကြည့်နေကြပြီးမျက်မှောင်ကြီးတွေကိုကုတ်ထားကြသည်။Quအလွန်အမင်စိတ်ဝင်စားနေသည်မှာသူတို့ပြောမည့်စကားတွေကိုမဟုတ်။သူတို့နှစ်ယောက်မည်သို့မည်ပုံစကားပြောမည်ဆိုသည်ကိုပင်။Quလျှာလေးသပ်ကာဖြင့်ပစ္စည်းတွေကိုမီးဖိုခန်းထဲမှဗီရိုတစ်ခုထဲသို့အမြန်ထိုးသိပ်ကာထည့်လိုက်ပြီးနောက်ခပ်ဖွဖွအသာလေးနေသန်တို့ရှိတဲ့ဘက်ကိုခေါင်းလေးထိုးကာခိုးကြည့်ရင်းနားစွင့်လိုက်သည်။
"မင်းကဘာလို့အဲ့အောက်ကထွက်လာတာလဲ ဧကန္တအောက်မှာကြွက်ဖမ်းနေတာလို့တော့မပြောနဲ့နော်"
လီယွန်ကပြန်မဖြေ။သူကားသူ၏လက်ဖမိုးတစ်ဖက်အားထောင်ရင်းနေသန့်အားတစ်ချက်ကြည့်လိုက်ပြီးမှလျှာဖြင့်ယပ်ကာအမှုမဲ့အမှတ်မဲ့ပုံစံလုပ်ပြနေသည်။နေသန်ကလဲအထူးတည်ငြိမ်ပါသည်။လီယွန်လုပ်နေသည်ကိုဘာမှမပြောဘဲရလာမည့်အဖြေကိုသာလီယွန့်အားစေ့စေ့ကြည့်ရင်းစောင့်မြဲစောင့်နေသည်။
"..."
စက္ကန့်အတော်ကြာတော့လီယွန်ကထိန်းမထားနိုင်ဟန်သူ၏လက်ဖမိုးလေးကိုအောက်သို့တုတ်ခနဲအသံမြည်အောင်ချလိုက်ပြီး သက်ပြင်းချသည်။ထို့နောက်နေသန့်အားမျက်စောင်းထိုးကြည့်ရင်းQuဘက်သို့လှည့်ကြည့်သည်။
လှမ်းခိုးကြည့်နေသည့်Quနှင့်လီယွန်မျက်လုံးချင်းဆုံသွားတော့လီယွန်ကခေါင်းကိုခါသည်။နေသန်ကတော့သိသောကြောင့်လှည့်ပင်ကြည့်နေစရာမလို။Quအလျင်အမြန်တော့ရှောင်တိမ်းလိုက်ပါသေးသည်။သို့သော်လီယွန်ကလျင်သည်။
ဆိုတော့ပြောမှနေသန်သည်လည်းပုံမာန်ဆိုခေသည်မဟုတ်။သူနဲ့တွေ့မှအားနည်းချက်တွေရှိလာခဲ့တာပဲ။
ထိုသို့ပြောမည်ဆိုလျှင်လည်းQuသည်လည်းခေသူတစ်ယောက်မဟုတ်ပေလေ။ဘယ်သူမသိသိကိုယ့်ကိုယ်ကိုယ်သာအသိဆုံးဖြစ်သည်တဲ့။ဆိုတော့ရယ်တော့ရယ်ရပါသည်။မခေသောသူနှစ်ယောက်ဟာတစ်ယောက်နှင့်တစ်ယောက်တွေ့ကာမှတစ်ယောက်အပေါ်တစ်ယောက်ကျရှုံးကျရသည်တဲ့လား။
"Qu.."
"..."
"ဒီတလော အဆင်မပြေဘူး"
နံရံကိုကပ်ကာကျောခိုင်းထားသော်လည်း ရှင်းလင်းပြတ်သားစွာကြားနေရသည့်နေသန့်၏ဩဇာအပြည့်နှင့်အသံဟာယခုတော့ညှိုးငယ်လို့နေသည်။လီယွန်ယခု ဘာပုံစံဖြစ်နေမည်ကိုQuမမြင်ရသော်လည်းဘယ်လိုဖြစ်သွားမည်ကိုတော့မျက်လုံးထဲပေါ်ပါသည်။သူ့အတွက်ချည်းစိတ်ပူနေရတဲ့နှစ်ယောက်ကိုQuအားနာသလိုစိတ်မကောင်းလဲဖြစ်မိသည်။
မိမိလက်နှစ်ဖက်ကိုမိမိဖြန့်ကာငါဒီလောက်ထိတောင်မကျန်းမာနိုင်ဘူးလားလို့မေးမိရင်သူတို့စိတ်ဆိုးမည်လား။ဒါမှမဟုတ်စိတ်မကောင်းသာဖြစ်မည်လား။ဘာလို့ဆိုအမှန်တရားပေမလို့လေ။
"Quကမြေအောက်ခန်းထဲဆင်းကြည့်ချင်တယ်တဲ့"
"..."
"ဟင်း .. လီယွန် တချို့သိသင့်တဲ့ဟာတွေကကြိုတင်သိထားရင်ကြိုတင်ပြင်ဆင်ချိန်ရတယ် ငါတို့ဘာကိုမှကြိုတင်မတွက်ချက်နိုင်ဘူး ငါတို့ကဗေဒင်ဆရာတွေမဟုတ်သလို အနာဂတ်ဟောကြားသူတွေလဲမဟုတ်ဘူး"
"..."
"ဒါပေမဲ့.."
Quမျက်လွှာတွေကိုအောက်သို့စိုက်ထားသည်။နေသန်၏စကားသံတွေဟာသူ၏နားထဲပျံ့လွှင့်နေရင်းQuကိုယ့်ခြေတန်ဖြူဖြူနှစ်ဖက်အားစိုက်ကြည့်ကာလုပ်သင့်သည့်အရာတစ်ခုကိုလုပ်ရမည်ကိုစဉ်းစားမိသော်လည်းတွန့်ဆုတ်နေမိသည်။
သို့သော်နောက်ဆုံးQuဆုံးဖြတ်ချက်ချလိုက်သည်။ခေါင်းကိုငြိမ့်အသက်ကိုခပ်ပြင်းပြင်းရှုကာခြေသံဖွဖွနှင့်ဦးတည်လိုက်သည်။မြေအောက်ခန်းတံခါးဆီသို့။
တံခါးကိုအသာဖွင့်တော့တံခါးဟာသူ၏လိုရာအတိုင်းမည်သည့်အသံမှမထွက်စေဘဲအသာသာပွင့်လာသည်။Quမြေအောက်ခန်းထဲသို့ဆင်းရာလှေကားတွေကိုကြည့်ရင်းနှုတ်ခမ်းတွေကိုကိုက်ထားမိပြန်သည်။
"ငါလုပ်သင့်ရဲ့လား .. "
သူ့ကိုယ်သူပြန်မေးမိသည်။
နောက်ဆုံးတော့သူ့ဆုံးဖြတ်ချက်ဟာမြေအောက်ခန်းတံခါးကိုပိတ်စေခဲ့သည်။လူကတော့အထဲသို့ရောက်သွားနှင့်ပြီးဖြစ်၏။Quလင်းထိန်နေသည့်မြေအောက်ခန်းကိုကြည့်ရင်းအံ့ဩနေမိသည်။သူတို့ယခင်ဆင်းကြည့်ခဲ့စဉ်ခါထက်သန့်ရှင်းလို့နေပြီးနွယ်ပင်အသစ်တချို့ကိုလဲတွေ့ရသည်။မိသားစုဓာတ်ပုံဟာလဲသန့်ပြောင်လို့နေပြီးဆိုဖာပေါ်မှဖုန်များလဲပြောင်ရှင်းလို့နေသည်။
Quသူ၏မျက်လုံးများကိုနွယ်ပင်တွေအခြေပြုရာနေရာသို့စုကြည့်လိုက်တော့ ထင်ထားသည်ကော၊မထင်မှတ်ထားသည့်နေရာမှာပဲဖြစ်နေသည်။အသေပိတ်ထားသော သံတံခါးချက်လက်ကိုင်တချို့တွင်ပန်းပင်နှင့်မြက်ပင်တချို့ပေါက်ရောက်နေ၏။နှစ်ပေါင်းမည်မျှကြာသွားသည်မသိသည့်တိုင်အောင်သံချေးမတက်သေးသည့်တံခါးကိုQuလက်နှင့်ကိုင်ကြည့်လိုက်မိသည်။
ထိမိလိုက်ချင်းကိုပင်တစ်ကိုယ်လုံးကျဉ်တက်ကာရရှိလာတဲ့ခံစားချက်ကနေသန်နှင့်ပထမဆုံးစတွေ့တုန်းကဖြစ်သည့်ခံစားချက်နှင့်ဆန့်ကျင်ဘက်။Quတံခါးလှည့်ကိုလက်နှင့်အသာအယာလှည့်လိုက်သည်။ချက်ချင်းတောက်ခနဲမြည်ကာအလွယ်တကူပွင့်သွားသည်ကမကြာသေးခင်ကဖွင့်ထားသည့်လူရှိသည်ဟုသတ်မှတ်လို့ရသည်။
Quတံခါးကိုဆွဲကာဖွင့်ကြည့်လိုက်သည်။အောက်ခြေကိုစတင်မြင်ရတဲ့အခါကြည့်မိလိုက်တော့သဘာဝအလျောက်ဖြစ်ပျက်နေတဲ့မြေကြီးနှင့်မြက်ပင်တချို့။ထိုမှတစ်လျှောက်မျက်စိကအပေါ်သို့မော့ကြည့်ရာ..။
"..(amazed)"
လှပသောအဆုံးမဲ့သစ်တောကြီး။
ကျေးငှက်တကာတို့လေပေါ်တွင်ပျံဝဲလို့နေပြီးကောင်းကင်ယံတစ်ခုလုံးကပြာကာတိမ်တွေသည်လည်းကင်းစင်လို့။နေရာတိုင်းတွင်အဖြူရောင်လုံးလုံးသဏ္ဍာန်လေးတွေကိုတွေ့မြင်ရပြီးတချို့ရေကန်များတွင်အဖြူရောင်သဏ္ဍာန်ဗျိုင်းဖြူတစ်ချို့ကိုတွေ့ရသည်။
Quသစ်တောထဲသို့စတင်ကာခြေတစ်လှမ်း လှမ်းလိုက်သည်။ထိုအခါခြေဖျားမှတဆင့် ဆင့်တက်လာတဲ့စွမ်းအားတွေကQuအားတစ်ကိုယ်လုံးအင်အားအပြည့်ပေးလိုက်သည်။အသက်ကိုဝဝရှုလိုက်သကဲ့သို့ဖြစ်သွားရာခေါင်းကိုမော့ကာကြည့်လိုက်တော့မြင်လိုက်ရတဲ့မြင်ကွင်းဟာတကယ်ကိုပင်အံ့ဖွယ်အတိ။
လှပသည်။သာယာသည်။ကြည်နူးဖွယ်အပြည့်ရှိသည်။Quတစ်လှမ်းချင်းဆီ သစ်တောအတွင်းသို့ခြေလှမ်းနေမိသည်။လှမ်းလိုက်တိုင်းရရှိလာတဲ့ခံစားချက်တွေဟာအလွန်အင်မတန်မှကောင်းမွန်လွန်းနေသဖြင့်လှမ်းပြီးတိုင်းသာလှမ်းချင်နေမိသည်။Quအိမ်မက်ထဲမှပုံရိပ်တချို့နှင့်ထပ်တူညီသည့်နေရာများကိုတိုက်ကြည့်လိုက်သည်။လက်စသတ်တော့တစ်ချိန်လုံး ဒီနေရာမှာပဲရှိနေတာကို။
Quတစ်ချက်ခပ်ဟဟရယ်လိုက်ရင်းရှေ့သို့ဆက်လျှောက်သွားမိသည်။အိမ်မက်ထဲကအတိုင်းအဖြူရောင်ကောင်လေးတချို့ကQuအားလှမ်းကာကြည့်ပါသည်။သို့သော်ဘာမှမပြု။သူတို့အနွယ်ဝင်တစ်ယောက်လိုသတ်မှတ်ပုံရပြီးတချို့ဆိုပြုံးသလိုပုံစံတောင်လုပ်ပြသွားသေးသည်။
Quသူ့ကိုပြုံးပြသည့်သေးသေးအကောင်လေးတချို့ကိုပြန်ကာပြုံးပြလိုက်သည်။ထို့နောက်ခန္ဓာကိုယ်ကိုတစ်ပတ်လှည့်ကာဤအဆုံးမဲ့သစ်တောကြီး၏အလှကိုခံစားနေလိုက်သည်။
"Quuu..."
"..."
ရုတ်တရက်မိမိကိုလှမ်းခေါ်လိုက်သည့်အသံကြောင့်Quလှည့်ကာကြည့်မိလိုက်သည်။ရင်းရင်းနှီးနှီးကိုကြားဖူးနေသည့်အသံဖြစ်တာကြောင့်Quမျက်မှောင်ကုတ်ကာဝှေ့ယမ်းရှာမိလိုက်သည်။သို့သော်ဘာမှမတွေ့။ဒီတစ်ခါတော့Quမိမိအကြားအာရုံကိုမိမိယုံသည်။တကယ်ကိုကြားလိုက်ရသည်။ဒါကြောင့်မတွေ့မချင်းလှည့်ကာရှာမိနေသည်။
နောက်မှခေါင်းထဲပေါ်လာတဲ့လွန်ခဲ့တဲ့အပတ်ကအိမ်မက်တချို့ကိုအမှတ်ရလိုက်သည်။Quမျက်လုံးတွေကိုမှိတ်လိုက်သည်။နောက်စိတ်ကိုတည်ငြိမ်အားထားလိုက်ပြီးနောက်ပါးစပ်မှစကားတစ်ခွန်းကိုရေရွတ်လိုက်သည်။
"Take me(ခေါ်သွားပေးပါ)"
ပထမတော့ဘာမှမဖြစ်လာ။
သို့သော်စက္ကန့်ပိုင်းအကြာတွင်Quအားအဖြူရောင်အလင်းတန်းခပ်ဖျော့ဖျော့တချို့ကလေပေါ်သို့မြှင့်တင်ပေးလိုက်ပြီး Quလေပေါ်သို့ဆန်တက်လို့သွားသည်။Quမျက်လုံးတွေကိုဖွင့်ကာကြည့်လိုက်သည်။အိမ်မက်ထဲကလိုပင်သူ့အားထိုညောင်ပင်ကြီးဆီသို့ခေါ်ဆောင်လာသည်ဖြစ်သည်။ရှေ့နားမှလှမ်းမြင်နေရပြီဖြစ်တဲ့ညောင်ပင်ကြီးကိုQuကြည့်လိုက်တော့အိမ်မက်ထဲကထက်ပင်ပို၍လှပသည်ကိုမြင်ရ၏။
အလင်းတန်းတချို့ဟာQuကိုညောင်ပင်အမို့ပေါ်ရောက်တာနှင့်အားဖြင့်ပစ်ချလိုက်သည်။
ဘုန်းခနဲ။
"အစ်!"
မြေကြီးပေါ်သို့ဖင်ထောင်ရက်ကျသွားသောQuအားဘေးနားကနေအကောင်လေးတွေကကြိတ်ကာရယ်သည်။ပိစိ ပိစိ ကွိစိ ကွိစိ ဖြင့်အသံတွေထွက်ကာရယ်လို့။မိမိအားရယ်နေသောအကောင်သေးလေးတွေကြောင့်Quဆတ်ခနဲပြန်ထရင်းထိုကောင်တွေကိုမျက်စောင်းဒိန်းခနဲထိုးကာပြလိုက်သည်။
ထို့နောက်..။
"ဝါး....!!!"
ဤအာမေဍိတ်ကိုတရသည်ကိုQuစွဲလန်းနေမိပြီလား ဒါမှမဟုတ် ဒီအာမေဍိတ်နှင့်သက်ဆိုင်သည့်ဖြစ်ရပ်ကိုမြင်ရလို့လားQuမသိ။Quသိသည်ကရှေ့ကအလှအပညောင်ပင်ကြီး။အလှအပဆိုသည်ကားဤညောင်ပင်ကြီးပါပေလားဟုQuစာဖွဲ့မည်။ကမ္ဘာပေါ်မှာရှိသမျှအပင်တွေထဲကမှအလှဆုံးတွေလို့ပြောတတ်တဲ့ထဲသို့ဒီအပင်ကြီးအားတိုးကာမှတ်စုပြုထားမည်။ဘယ်လောက်ထိလှသလဲလို့မေးလျှင်ဤစကြာဝဋ္ဌာအလားအနှိုင်းမဲ့သည်ဟုQuဖြေရလိမ့်မည်။
Quညောင်ပင်ကြီး၏ပင်စည်ကြီးအားအိမ်မက်ထဲကအတိုင်းထိကြည့်မိသည်။ရှိန်းခနဲပင် ပင်မသွေးကြောထဲသို့ဝင်ရောက်လာသည့်စွမ်းအင်တချို့ကိုQuအပြည့်အဝခံစားလိုက်ရသည်။မြေကြီးပေါ်သို့လက်မအနည်းငယ်ကြွတက်သွားသည်ကိုခံစားလိုက်ရပြီးစက္ကန့်ပိုင်းအကြာမှာပင်ပြန်ကာကျလာလေသည်။
ဒီတစ်ခါတော့ညှင်သာစွာ။
ညောင်ပင်ကြီး၏ဘေး၌သူ့အားခုနလေးတင်ကခေါ်ဆောင်လာပေးသည့်အလင်းတန်းတချို့နှင့်တူသည့်အလင်းတန်းငယ်သေးသေးလေးများလည်းရှိနေသည်။လိပ်ပြာဖြူတစ်ချို့ကိုလည်းတွေ့ရပြန်၏။
Quဘေးပတ်ပတ်လည်ကိုဝေ့ဝိုက်ကာကြည့်မိလိုက်သည်။ဤညောင်ပင်ကြီးကဤအဆုံးမဲ့တောအုပ်ထဲတွင်အချက်ချာကျသောနေရာဖြစ်သည်။ထို့ကြောင့်ဤမှနေဆိုလျှင်တောအုပ်တစ်ခုလုံးကိုချုံငုံကာမြင်ရသည်။
Quထပ်ကာတမိပြန်သည်။
"ဝါး...လှလိုက်တာ"
ဒီတစ်ခါQuရင်ထဲကစကားတွေကိုပါထည့်သွင်းလိုက်သည်။ထိုအခါQuနောက်မှ အရာတစ်ခုကQuအားခပ်ဖျော့ဖျော့ရယ်ရင်းဆိုပါသည်။
"မင်းလောက်မလှပါပေဘူး..ကွယ်"
DWYT Yt channel မှာ audiobook ရှိပါတယ် ဒီ fic လေး✌️
ReplyDeleteDone 💪
ReplyDeleteDone
ReplyDelete