ကံစီမံရာ

ကံစီမံရာတဲ့

ငါ့ကံကြမ္မာကို ငါကိုယ်တိုင်စီမံလိုက်တယ် 

အဖြေကတော့ 

မိဘစကားကို ဆန့်ကျင်ခဲ့တဲ့ သားမိုက် 

တော်လှန်ရေးသမားတဲ့ 

မိဘ ရင်ခွင်ကိုတောင် စွန့်ခွာခဲ့တာမို့ 

ငါလျှောက်ခဲ့တဲ့ လမ်းဟာ နောင်တ ကင်းမဲ့တယ် 

ရွေးချယ်စရာဟာ သေပေးရမယ်ဆိုလည်း 

အချိန်နေရာမရွေး သေပေးလိုက်မယ် 

ငါ့အနာဂတ်ကို ငါကိုယ်တိုင် ထုစစ်တာမို့ 

ငါ့အတွက် ဆုလာဒ်ဟာ 

တော်လှန်ရေးမှာ တာဝန်ကျေဖို့ပဲ 

ငါတို့နိုင်ငံ ၊ ငါတို့ ပြည်သူ တွေအတွက်ဆို 

ငါဟာ အတ္တသိပ်ကြီးတယ် 

အဓ္ဓမ အနိုင်ကျင့်ခံနေရတာကို မကြည့်ရက်လို့ 

ငါ့မိဘကိုတောင် တော်လှန်ခဲ့သေးတာ 

အာဏာရှင်ကို တော်လှန်ရတာဟာ 

ငါ့အတွက် အသေးအမွှားပါ 

ပြန်လမ်းမသေချာတာပဲရှိတယ် 

နောက်ကြောင်းပြန်လှည့်တာတော့ ဖြစ်လာမှာမဟုတ်ဘူး 

သားမိုက်တစ်ယောက် အာမခံနိုင်တာတော့ 

သွေးကြွေးဆပ်ရန် ချီတက်ခဲ့တာမို့ 

ကြေအောင်ပြန်ယူပြီးမှ 

အမေ့ရင်ခွင်ကို ကလေးတစ်ယောက်လို 

ပြန်တိုးဝှေ့လဲ့မယ် 

မသေခဲ့ရင်ပေါ့ အမေရယ်

#နန္ဒ